Sofoniia 2:3 - O Mikanda Ikola

³ Sotenu Jihova enu oso mua batama miẋima, muala mu ngongo, muene mu ku kaiela o mabatuilu mê; Sotenu kubhanga o mbote, Sotenu o kulenduka ni kubatama, sumba bhu kizuua kia njinda iê, Jihova u mi sueka.

Sofoniia 2:3 ပူးပေါင်းရင်းမြစ်များ

II Samuuele 12:22

Muene-phe uixi: Mona kia kexile ku muenhu, ngi fula kúdia, ngi dila, kuma ngambe, ngixi: Nanhi ua kʼijiia mba Jihova u ngi kuatela henda, phala mona a bhuluke?

Jisálamu 105:4

Sotenu Jihova, ni nguzu iê; Sotenu izuua ioso o pholo iê, sé ngó kufula.

Jisálamu 149:4

Kuma Jihova u sanzuka ni mundu uê; muene ua-nda ku uabhesa abelesela ni ubhulukilu uê.

Jisálamu 22:26

Akua ujitu a kà dia muene ku fesa, anga ekuta; oso ene kusota Jihova, a mu ximane; tanenu-ku, o miẋima ienu i di sanze katé ku hadia!

Jisálamu 31:20

Kuma hinu eie u a sueka kididi kiakondama, bhu mbandu ia kinama kié, mukua kukanena phulu ka a mono dingi; eie u a bhaka muene mu balaka ié, kevu dingi jimvunda ja kutangelela.

Jisálamu 45:4

Mondala, uende ni kijingo kié; iene ioso u soke na-iu mu kubhângela o kidi, ni kukuatekesa athu edi ni kulúnga ni kubelesela; lukuaku lué lua dilu lu ku longe kubhanga ima ia undanda.

Jisálamu 57:1

Ngi kuatele henda, Ngana Nzambi, ngi kuatele henda; mukonda o muenhu uami ua suamena ko kué; kiene muene, eme ngi di kondela mu kilembeketa kia mabhabha mé; katé ki zubha kubhita o mavuua osoʼá.

Jisálamu 76:9

kia balumuka Nzambi mu fundisa mu kidi, mbé kubhulula athu oso abelesela mu ngongo. (Selah.)

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Makatukilu 12:27

Enu mua kèla kuma: Sata iangene ia Jihova, kifua phasu iê, kia somboka o jinzo ja anʼa Izalaiele mu Ijitu, kizuua kia kuama akua Ijitu ene, o mabhata metu anga ua a bhana muenhu. O mundu bhenhobho hé a diunda a bheza.

Jisabhu 18:10

Dijina dia Jihova mukua ni mbonge ia matala ia di jikidila; muthu uoso ua iuka, kuene kua lengela, anga a mu bhaka kididi kia kondama.

Izaía 1:17

Dilongienu kubhanga o mbote; bhangenu ioso iaiuka; kudilenu uoso a mu tatesa; batuilenu monʼa difundu kioso kia iuka; atudi a bhangedienu.

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Jelemiia 39:18

Mukonda ni kidi kiene, nga-nda ku ku bhulula, o ku xibhata kua kà di bhala-ku; maji o muenhu ué uene ua-nda ku kala o mbole ié, mukonda ua dielela kokuami, eme ngi Jihova.

Jelemiia 45:5

Eie anga uia ni kusota maunéne? Kana ku a sota; Mukonda nga-nda kubheka kuiibha ku thandu dia xitu ioso, eme ngi Jihova, eie-phe o muenhu ué uene u nga-nda ku ku bhana kuma iene o mbole ié kuoso-kuoso ku u di texila.

Izekiiele 13:5

Mu misula ki mu bande-mu, mba mu xita muoso mua budika ku dibhata dia Izalaiele phala ni mu tena kuimana ku mvunda bhu kizuua kia Jihova.

Hozeia 10:12

Kunenu jimbutu jenu ja kuiuka phala mu bhongolole ja henda; bakenu mavu enu a maxinde, kuma thembu iii ia kusota Ngana, katé muene kieza, nʼa mi nokene ima ia kuiuka kala mvula.

Hozeia 7:10

O Izalaiele, izala iê ia-nda ku mu jimbulukila muene ku mesu mê; maji mu ioso iii ene ka-nda kualukila kua Jihova Nzambi iâ, né ngo ku mu sota.

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Zakadiia 8:19

Jihova dia Ifuẋi uambe kiki: O kujila kua mbeji ia kauana, ni kujila kua mbeji ia katanu, ni kua mbeji ia kasambuadi, ni kua mbeji ia kakuinhi, kua kà kituka kutana ni kusanguluka kua dibhata dia Juda, kuma ji kala Tesa jê ja makembu. Zolenu-phe ngoho o kutanga kidi ni kutululuka.

Matesu 5:5

A zediua alenduka, ene a lundula ixi.

I Tesalonika 4:1

O kiki, enu jiphange, mua di longo kiá kokuetu kioso ki mua tokala kuenda ni kuuabhela Nzambi. Enʼuenu kiene kiá ki mua mu kuenda. Kala kiki, tua mi bhingi, tua mi longesa dingi mu dijina dia Ngana Jezú, kolokotenu ni ku ki bhanga jinga dingi kiavulu.

I Tesalonika 4:10

Kiene ki mua mu londekesa ku mbandu joso kuila mua di zolo muene ni jiphange joso ku Masedonia. Tua mi tangela-phe, jiphange, phala mu vule ku ki bhanga jinga.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Phetele 3:4

Ku kale-phe kukemba kua muthu ua suama moxi, kuene o kuzuata ki ku kasana dingi, kua kubelesela ni kutululuka kua muẋima, kua te kiavulu bhu pholo ia Nzambi.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.