Sofoniia 2:15 - O Mikanda Ikola

¹⁵ Iii-phe iene o mbanza, o mbonge iadijimbi iala kutumbujuka ni ngalasa, ni ku di dielela iene, hé uia ni kuzuela mu muẋima uê, uixi: Eme ngó kuabhu, ki bhuala dingi nga soko-nê! Kiki-phe ueza ngúndu, ua biluka dinangu dia iama! Muthu uoso ubhita-mu, u diuuana! Uxika muphióphio, hé u bhabha ibhubhu!

Sofoniia 2:15 ပူးပေါင်းရင်းမြစ်များ

Jobe 16:4

Eme uami ngeje kuzuela kala ki mua mu zuela enu, se o muenhu uenu ua kexile bhu kididi bhuala o muenhu uami? Inga, ngeje ku mi vudixila ndumba dia maka, anga ngi kubuakesa ue mútue uami mu ku mi bhanga kia ibha?

Jobe 27:23

Muene kia di bhana kibhalu, akuâ a beta jimbanda ni maku, mu kusondoloka kuê, a mu tobhesa ni jibuia ni ku mu xikila jisupiia.

Izaía 22:2

Mbanza iezala mikolekole, diembu diedi ni díene bulukutu, diembu di tumbujuka ni jingalasa? O imbi ié ioso ki iene kufua ku xibhata, mba ifua mu ita.

Izaía 32:11

Teketenu, enu mu ahatu mua di landuka, mu akua usudi; salumukenu, enu mu ana-ilumba, mua tunga mua soma; zulenu mu ende tuẋi-a-thakala, di-ẋiẋikienu kidinhaji mu inhonga.

Izaía 32:14

Mbata dizemba dia kà xala ngundu, muxindu ua diembu ua-nda kubhua-ku; Ofele, ni tuthondo tua tungudita tua alangi, tua kà xala jingenda katé ku hádia, tu kala phala matonokenu ma mikete ku mukáu, ni makêla phala ibhaku,

Izaía 32:9

Enu ahatu, oso mua akua usudi, balumukenu mu ivue dízui diami: enu ana-ilumba, mua di fiiala kinéne, bhanenu mátui ku maka mami.

Izaía 47:10

Kuma uadielela o phulu ié, uixi: Ki bhuala u tena ku ngi mona; o unjimu ué ni ndunge jé ji ua di-longo, jene ja ku bhekela kujimbila, eie uambe ku muẋima ué, uixi: Eme-muène ngó, kana-ku muthu ni mukuetu nga soko-nê.

Jelemiia 18:16

phala kubhangesa kuila oxi iâ i biluke kima kia kisunji ki kuatesa uoma ni kasekelu ki kʼabhu dingi; uoso u bhita-mu u diuana anga u bhuka ku mútue!

Jelemiia 19:8

Ni mbonge iii nga kà i bhanga kidiuanu, anga i xalela bhu ditala dia kusebhuluka; uoso u bhita-mu anga u di uana, hé u xika muphióphio, mukonda dia mabhebhu mê ma bhitimu.

Jelemiia 50:13

Mukonda dia njinda ia Jihova, ki mua kà kala muthu u tunga-mu, maji ia kà kituka ixi ia kibuika ngó, kuabhu; uoso u bhita mu Babilonha ua kà diuana, anga u xika muixi kia mona o mabhebhu mê moso.

Kuditenda 1:1

Kuahi ngó, o kudikotamena kua dikotamena ó mbonge iná; mʼokulu kutunga kuahi ngó! O kiki iedi kala mutudi ua muhatu, tata! O kia kexi, muʼaxaxi ka ifuẋi, muene kutènde, na mvuale muʼaxaxi ka jixi, ua biluka kiebhi vasalu ia kufuta lubhaku, enu mala!

Kuditenda 2:1

Kuahi ngó o kutema kua Jihova, kua bhingi mu njinda iê monʼa kilumba ua Zione ua mu vungina kiki mu ifuke! Kijingu kia Izalaiele, kia suile o mbambe ni diulu, kiki-phe Jihova ua ki zubila bhoxi; kizuua kia mu kuata o kutema, ka lembalala dingi o mbenza ia kutula o inama iâ.

Kuditenda 2:15

Athu oso a bhita mu kikoka, a bhânga ibhubhu; a xika miẋi; a bhuka ku mítue iâ, mu kudiuana o kilumba, monʼa Jeluzaleme, exi: Iene-ze o mbongʼii ia lukile exi: Suke-ku mu kuuabha, muene Ditunda di sanguluisa oxi ioso?

Izekiiele 27:36

O jingenji mu kifuẋi aku tela jisupiia; eie ua di bhange u kima ki kakukisa; ki mungu dingi u kala-ku katé ku hádia ni hádia.

Izekiiele 28:2

Eie monʼa iala, o kilamba kia Tilu mu tangele, uixi: O Jihova Nzambi uambe kiki: Mbata kuma o muẋima ué ua di zangeleka ni kuila, uixi: Eme ngi Nzambi, ngi xikama muene ku kialu kia Nzambi mu kaxiʼèlele ka musanza ua kalunga, hé o muẋima ué u u sokesa muene kala uene o muẋima ua Nzambi;

Izekiiele 28:9

Bhu mesuʼa iú uoso ua mu ku jibha, eie ua kʼèla hanji, uixi: Manhi eme ngi Nzambi? Maji eie u muthu ngó muene, ku Nzambi, kana, bhu lukuaku lua ió uoso u ku toma.

Izekiiele 29:3

Zuela, kuamba: O Jihova Nzambi uambe kiki: Emʼiú, mu kuzoka nʼeie Falaó, sobha ia Ijitu, u kimudikixi kionéne, ua butama muʼaxaxe ka jingiji jé, eie ua mu kuila, uixi: O ngiji iami, iami eme-muène, kuma eme nga i bhange phala eme.

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Nahumu 3:19

Ki bhuala milongo i tena kusaka o fidila ié; o kítoto kié ki xixima kala fidila ia mukongo; oso kiá a kʼevua o fuma ié, a kà sanguluka ni kubeta jimbanda ku maku; mbata nanhi ua kambe kutala hadi mukonda dia kuzukutisa kua phulu ié.

Habakuke 1:7

Muiji uenhú kutema kuahi, u kuata uoma; uene kiá u di bhangela o itumu iê ni mabatuilu ma unêne uê.

Matesu 27:39

Oso ala kubhita-bhu anga a mu xinga, ni kubhuka ku mítue, exi: