Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.
Kala kiki, O Ngana, Jihova dia Ilômbo Ieta, ua kà bheka dibhèlu kua oso a nete muʼaxaxi kâ, o bhoxi dia kizunda kiâ ua kà uikabhu túbhia kala kitumba kia uama.
Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.
Ene anga a kà buidisa oxi ia Asídia ni xibhata, kumoxi ni ixi ia Nimilode katé ni bhu mabokuenu mê. Bheneʼobho anga muene ua kà tu kudila bhu maku ma Asídia, kioso kia kʼèza mu ixi ietu mu ku i lua, ni ku diota mu jimbambe jetu.
O kuenhoko kuene o túbhia ku tua kà ku jikinisina, o xibhata ia kà ku buikisa; a kà ku jimuna muene kala ki dia o kabótua, né-mbé hanji mu kuvula mu sokoloka dingi kala mahoho, mba mu di vualulula dingi kala kihoho.
Anga kia kà bhita kuila oso a kà ku mona, a kà ku lenga ni ku di kola-kola, exi: Ninive a mu sengulula! Nanhi dingi ua-nda ku mu lendukila? Eie Ninive, kuebhi ku nga kà takana atululudi phala eie?
Nga kà sunununa lukuaku luami kua Juda mu kuzoka-nê, ni kua ene-oso a tungu mu Jeluzaleme, anga ngi zubha kujikinisa mu kididi kiki ió oso a subhuka kua Baale, ni dijina dia akua kubhakuila iteka ni jinganga jâ;