Sofoniia 1:7 - O Mikanda Ikola

⁷ Eie-phe ximbakata bhu pholo ia Jihova Nzambi ié, kuma kizuua kia Jihova kia zukama. Mukonda Jihova ua iudika kiá o sata iê, iú ua zelesa asonhi oso a exana kuala muene.

Sofoniia 1:7 ပူးပေါင်းရင်းမြစ်များ

Jobe 24:1

Phalaʼhi Muteni-a-Ioso ka xindi ithangana ia kufundisa? Mukonda diahi o ió a muʼijiia, izuuʼiii ka mu i mona?

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Izaía 13:3

Nga uanena kiá jingonge ku mundu uami uòsole; kiene muene, o mazonda mami ue, ngʼa exana kiá, ene ku ngi banda kioso ki ngi kuata njinda, ió ene mu sanguluka mukonda dia ungana uami.

Izaía 13:6

Endenu kiá ni kukumba, mbata kizuua kia Jihova kia zukama; ki kiza kua Muteni-a-ioso kala kibuika.

Izaía 2:12

Mukonda o kizuua kia Jihova dia Ilômbo Ieta, kuila kieza-bhu, ni mukua ukumbu, ni mukua katènda, ni ió uoso mukua izala, ene-oso a kà a tululula muene.

Izaía 29:2

Hanji-phe, Adiiele nga-nda ku mu ta bhu kíbhidi, bhuà kala ngololo, bhuà kala mukondo; diembuʼidi dia-nda ku ngi kala kiua Adiiele ia kidi!

Izaía 34:5

Kuma o xibhata iami ia kodiuila mu diulu; talesa-phe ia kà tuluka mu Idomo phala kua fundisa, itula ku thandu dia mundu u nga bhubhidila phala ku a buikisa.

Izaía 34:6

Xibhata ia Jihova iezala ni manhinga, u sanga ia beketa ni banha ia manhinga ma tumbudi ni isutu, ni banha ia ana-sonhi a ilumbe; kuma Jihova uala ni sata mu Buzola, uala ni kijibha mʼoxi ia Idomo.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Jelemiia 46:10

Mbata o kizuua kiki kiene o kizuua kia Ngana, kia Jihova dia Ifuẋi, kizuua kia kuvutula phonzo phala nʼa vutule ditota ku jinguma jê; o xibhata ia kà dia, ia kʼekuta, ia kà kodiua ni manhinga mâ. Mbata Jihova dia Ifuẋi, o Ngana,— uala ni kilumbu mu ixi ia kusuku, bhu mbandu ia ngiji ia Ufalate.

Izekiiele 7:10

Talenu, o kizuua kiki kiabhuʼiki, talenu ki kiza, uíndua ué ua bhixila; o kubhanga ufusa kua sabhuka, o izala ié ia buingita.

Izekiiele 7:7

Kuêla kué kua bhixila, eie ua tunga mu ngongo. Eie ua tunga mu ngongo, iá eza mu ku ku belesa, kithangana ki kiza; o ku milundu, kizuua kia hadi kia bhixila, ki kia kusanguluka, kana.

Jouele 1:15

Uaué! Kizuuʼokio, tata! Kuma kizuua kia Jihova kia zukama! Kiene kia kèza mukuâ ni disengulukilu di tunda kua Muteni-a-Ioso.

Jouele 2:11

Jihova-phe ua tuamenena bhu pholo ia kifuẋi kiê, u zangumuna mbimbi iê kuma o ilômbo iê kuvula kuahi! Mukonda muene Dizonda mu kubhanga kioso kia zuela! Mbata kizuua kia Jihova kionéne, ki bheka uôma! Nanhi ua kà tena kuimana-bhu?

Jouele 2:31

Dikumbi dia kà kituka kitombe kia usuku, o mbeji i di bhanga manhinga, kioso hanji ngó kizuua kia dikota kia Jihova, ki kuata uoma, kiluua ki bhiẋila.

Amoji 6:10

Se bhua kà kala muthu u zangula sekuluʼê, mba uoso u mesena ku muʼoha mbé o kutubhula ifuba bhu kanga diaʼnzu, anga uambela ió uala bhu hota jaʼnzu, uixi: Kuala dingi muthu, uala neie? Muene ua kà vutula uixi: Kana-ku muthu. Iú-phe ua kà zuela, uixi: Dixibhe! Kuma bhu tualʼabha dijina dia Jihova ki tu tena dingi ku di tumbula.

Amoji 8:3

Maji-phe o mimbu ia Tembulu mu kizuʼokio ia kà di bhanga jingololo. Jihova Nzambi ua ki tange; o imbi ia kà vula; ku jimbandu mu ididi ioso a kà texila-mu imbi ia athu mu kasuèkele. Anga mʼoxi ioso muila ni muene hudí!

Habakuke 2:20

Jihova-phe uenʼiê mu Tembulu iê ikôla; ixi ioso i dixibhe bhu pholo iê.

Sofoniia 1:14

Kuma kizuua kionéne kia Jihova kia zukama; ku kizuelu kiê, kia-nda kuiza muene lusolo, ki ki kokoloka; bhu kizuua kia Jihova katé ni mazonda a kà di bhana mitendu mukonda dia uoma.

Zakadiia 14:1

Tala, kizuua kia Jihova ki kiza, kia kuila ni ioso i uala na-iu ia kà kituka mbole ia ku uana-uana momuʼé.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 22:4

Muène anga u tuma jiphunga jamukuá, uixi: Asonhi a fesa a tangedienu kuma, Seialu iami iíi, nga i iudika kiá. Jingombe jami ni ibhaku iami ianete iójibhe, imbamba ioso ióiudike kiá. Zenu ku fesa ia ukaza!

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

Loma 9:20

Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?

Filipe 4:5

Kalenu mu athu mua tetuluka, athu oso a mʼ ijiie na-kiu. Ngana ua zukama.

Kolose 1:12

Muenda ni kusanguluka mu kusakidila Tata ua tu bhangesa o kufuama kididi kietu mu undundu ua akua Ngana mu Utuminu ua mukengeji.

I Samuuele 16:5

Muene uixi: Paze iene; ngeza mu satela Jihova. Di bônzienu, mu ize kumoxi ni eme ku sata. Anga u bonza Jese ni anʼê, anga u a exana ku sata.

I Samuuele 20:26

Saúlo-phe kà zuela kima kizuua kienʼokio; ua fika, uixi: Sai kioso kia mu bhiti, iu ua kasana; ua bhingi hangi ku di bonza.