Sofoniia 1:5 - O Mikanda Ikola

⁵ ni iá a mu sambela mù bheza ifuẋi ia diulu ku thandu dia jinzu jâ; ni iá a fukama mu kubheza Nzambi, anga a lokela kua Ngana ni kua Mala-kane;

Sofoniia 1:5 ပူးပေါင်းရင်းမြစ်များ

I Jisobha 11:33

Mukonda Solomá ua ngi xisa iú uaii mu kubheza Axitalote, o nzambi ia muhatu ia akua Sidone, ni Kamo o nzambi ia akua Mouabhe, ni Milikome, o nzambi ia anʼa Amone. Nguaiê kuendela mu njila jami, ni a bhange kia iukila ku mesuʼami, ni kualuka o ijila iami ni itumu iami, kala kia bhanga jinga tatʼâ Davidi.

I Jisobha 11:5

Mukonda Solomá ua kaiela kia o dihamba dia Axitalote, nzambi ia muhatu ia akua Sidone; ni kukaiela ue Milikome, o kisunji kia akua Amone.

I Jisobha 18:21

Elija bhenhobho u zukama ku kifuẋi kioso hé u ambela, uixi: Kumbi kuxi di mua-ndu lémbua kutenguina bhu kaẋi ka ixinganeku iiadi? O Ngana se muene Nzambi, mu kaiedienu! Maji ki ki kala o Bahale mua mu mono kuma muene ua tokala, mu kaiedienu. Kifuẋi-phe a di xibhʼâ, ka mu vutuila kima.

II Jisobha 17:32

Kienʼiki kia kexile mu ku kuatela Jihova uoma. Ia a zangula o athu a suku-ku mu kusebuluka ku mundu, ene a a te ku unganga mu ididi ia dileka.

II Jisobha 17:33

Kieneʼokio ià a kexi mu kuila: Jihova a mu kuatela uoma, maji ue ku mbandu ia mukuá, iá a bhikila o mahamba mâ kala kiene o kikexilu kiâ mu kaẋi ka miji iâ mua bhiti ni ku a katula kioso kia a balakala.

II Jisobha 17:41

Kienhiki, o miji ienʼiii, iá a kexile mu kuila: Ku mbandʼuku a kala ni uoma ua Jihova, o ku mbandu ia mukuá iá a bhikila o mahamba mâ ma iteka ia kusonga. O anʼâ ue, ni alaúlʼâ, kiene kia bhanga jinga o jitata jâ, kiene kia mu bhanga ue ene, katé ni mu kizuua kia lelu.

II Jisobha 23:12

Sobha ua bula-bula ue o jikalatódio ja kexile ku di tala dia thandu dia inzu ia Akaji, ja bhangele o jisobha ja Juda; sobha ua bhange ue kiò-muene ku jikalatódio ja bhangele Manasa mu malumbu aiadi a inzu ia Jihova; ua ji sasujula muene sasu-sasu, o fufuta ié iú ua i takuila mu honga ia ngiji ia Kidolone.

Izaía 22:1

Muzambu ua dikôlo dia kisuma. Eie kindala ihi i uala na-iu, kia bhingi o mundu ué uoso a mu lengela bhu jihôngo ja jinzo.

Izaía 44:5

Muenhú ua kèla: Eme nga tokala kua Jihova; mukuá ua kà di-luka dijina dia Jakobo; mukuá dingi uà di-soneka ni lukuaku luê, uixi: Eme ngi mukua-Jihova, muiji uami ua tambula o dijina dia Izalaiele.

Izaía 45:23

Nga di-lokela mu dijina diami eme-muène; kizuela kia kidi kia tundu mu kanu diami, kizuelu kiami ki ki vutuka kuema, kuma ki di kumbidila muene; uila kiki, ngedi: Phuna joso ja kà ngi fukamena muene, o madimi moso ma kà ngi fisala mu kuloka.

Izaía 48:1

Diembu dia Jakobo, ivenukiu, enu oso a mʼixana akua Izalaiele, enu mua tunda mbutu bhu otho ia Juda, muene kulokela mu dijina dia Jihova, muene kutumbula Nzambi ia Izalaiele, maji ki muene mu ki bhanga mu kidi ni mu uiukilu.

Jelemiia 12:16

Anga kia kà bhita kuila, se ene a kuata muanu ua ku di longa mauendelu ma mundu uami, ni kuloka mu dijina diami, kuamba: Ni Jihova muenhú! Kala kia longo o mundu uami o ku lokela Bale, kienhokio kiá mu kaxi ka mundu uami a tunga a soma.

Jelemiia 19:13

Jinzu ja Jeluzaleme, ni jinzu ja jisobha mu Juda, ja-nda kukasana, kala o kididi kia Tofete: kiene kimoxi ue ni jinzu josololo, jedi o ku hongo iâ kuene kuohela o uasu ua dizumba phala ilombo ioso ia maúlu, ia a bhela-bhu mibhaku ia kúnua ku jinzambi jengi.

Jelemiia 32:29

O akua Kaldeia, a mu bhângela kutolola o mbonge iii, a-nda kubokona muene moxi diê, anga mbonge a kà i ta túbhia, nʼa kʼoha jinzu jala ni matala a kuoha uasu ua dizumba kua Bahale ni ku bhana makúnua ku jinzambi jengi, mbé o ku ngi lokalala eme o njinda.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Jelemiia 49:1

Ku mbandu ia anʼa Amone, Jihova uambe kiki; Manhi Izalaiele ua kambe anʼa mala, mba jindundu? Mukonda diahi-phe, Malkane muene ua lundula Ngade, o Kifuẋi kiê ia a tungu mu jimbanza jêʼmuene?

Jelemiia 5:2

Né-mbe a zuela kuila: Jihova a kole muenhu, ni kidi kiene a loka ngó makutu.

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Jelemiia 7:10

Anga muiza kiua, ni mu imane bhu pholo iami monzo mumu, ia luku dijina diami, anga muila: Tua di xala, tu tena kiá o kubhanga isunji iosuʼiii?

Jelemiia 7:9

Enu muila ni kunhana ni kujibha, ni kuta jiphanda, ni ku di lokela mu makutu, ni kuohela Bale uasu ua dizumba, ni ku kaiela jinzambi jengi, ji mua kambe ku jijiia.

Jelemiia 8:2

Anga a i aneka ku muanha, ni ku mbeji ni ku ilombo ioso ia diulu, ia zolele ene, ia bhikila jinga, ia kaiela jinga, ia kexile mu kusota, ia a kexile ku i diundila: ka kà i ongeka, né ku i funda; ia kà xalela ngó mukua ni ditobe ku thanduʼa mavu.

Hozeia 10:2

Muẋima uâ ua a kala luiadi, kiene kia kexila ni kuêla; Jihova phe ua kà bula-bula jikalatódio jâ, o iteka iâ u i lunduluila muene bhoxi.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Amoji 5:26

Kia mi uabhelele-phe o kuambata balaka ia dihamba dienu Muloko, ni kalatódio ka iteka ienu, o théthembua ia nzambi ienu, i mua di bhangela enuʼenu.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Jipoxolo 10:9

Kukia ni kimene-phe, kioso ki ala mu njila, a zukama kiá mu mbonge ia Jopa, Phetele u banda ku thandu dia ʼnzo mu kusamba mu ola ia mediia.

Loma 14:11

Kuma a ki soneka mu Mikanda Ikôla, exi: Kala ki ngala ku muenhu, eme ngi Ngana, phuna joso ja kà ngi fukamena. O madimi moso ma kà fisala kuila eme muène ngi Nzambi.

Matendelelu 10:20

Endenu-phe ni kuxila Jihova Nzambi ienu, muenda jinga ni ku mu bhikila muene ngó, mu jijidienu muene ngó; o ki muila mu loka, lokelenu mu dijina diê-muène ngó.

Matendelelu 4:19

Di lange ue, phala o ki u bhetula mesu bhulu, anga umona o dikumbi ni mbeje, ni jithéhtembua, ni ima ioso kiá iene ku maúlu, muxima hé u ku tuma, eie anga usota kubheza o ima ia bhange Jihova Nzambi ié, phala ku kuatekesa naiu o ifuẋi ioso iala bhoxi dia diuluʼabha.

Josuué 23:7

mbé ki mu kuate ku di fungisa ni ifuẋi iii ia mi xikamena hanji. Kana kuila jinga o majina a mahamba mâ enu mu a tumbula, mba muenda ni kulokela mu mahamba enhá. Ene kana, kana ku a bhikila, kana ku a fukamena ni ku a bheza.