Sofoniia 1:4 - O Mikanda Ikola

⁴ Nga kà sunununa lukuaku luami kua Juda mu kuzoka-nê, ni kua ene-oso a tungu mu Jeluzaleme, anga ngi zubha kujikinisa mu kididi kiki ió oso a subhuka kua Baale, ni dijina dia akua kubhakuila iteka ni jinganga jâ;

Sofoniia 1:4 ပူးပေါင်းရင်းမြစ်များ

II Jisobha 21:13

O ku thandu dia Jeluzaleme ngi tandeleka-ku ka mukolo ka Samádia ni pulumu ia dibhata dia Akabe; o Jeluzaleme ngi mu kondona kala muthu kia kondona ima ia bolo bhu lubaki, u i kondona hé uiboleka bhu pholo iê.

II Jisobha 23:12

Sobha ua bula-bula ue o jikalatódio ja kexile ku di tala dia thandu dia inzu ia Akaji, ja bhangele o jisobha ja Juda; sobha ua bhange ue kiò-muene ku jikalatódio ja bhangele Manasa mu malumbu aiadi a inzu ia Jihova; ua ji sasujula muene sasu-sasu, o fufuta ié iú ua i takuila mu honga ia ngiji ia Kidolone.

II Malunda 34:4

O jikalatódio ja Bale ua jimanena mu ku ji bula-bula; muene anga u batujula o iteka ia dikumbi ia kexile ku thandu dia jikalatódio; ni mixitu ni iteka ia kusonga, ni iteka ia kusula, ua i bula-bula iú ua i zuku katé ki ia kituka fufuta iú ua i sangela ku thandu dia jimbila ja oso a kexile mu ku i satela.

Makatukilu 15:12

Ki uedi u sunununa lukuaku lué lua kúdia, mavu a bhane mu kanu, iá a a minha.

Jelemiia 15:6

Jihova uambe, eie ua ngi-xi, ua vutuka ku dima; kiene ki nga-nda kusununuina o lukuaku luami ku thandu dié hé ngi ku jikinisa; o kudielesa ue kua ngi kumu kiá.

Jelemiia 6:12

O jinzo jâ a kà ji xila athu engi, ni itaka iâ, ni akajiʼâ bhuamoxi; mbata nga-nda ku sunununa o lukuaku luami mu kuhuha o atungi-a-mabhata aʼxi iii, Jihova ua ki tange.

Izekiiele 25:7

tala-phe, eme uami ue nga-nda kusunununa o lukuaku luami mu kuzoka nʼeie, hé ngi ku bhana ku akua jixi mu kukala u madibhundila mâ, ni nga kà ku katula muʼaxaxe ka ifuẋi, hé nga kà ku jimuna muʼaxaxe ka jixi, anga eʼmuène uoso ngi ku zubha-ku; phala ua kà kʼijiie kuila eme-muène ngi Jihova.

Izekiiele 6:14

Nganda kusunununa o lukuaku luami ku thandu diâ mu kuzoka-nâ, o ixi anga ngi bhangesa kusenguluka, i beta kusenguluka o kikangalakata kia mbandu ia Dibalata ndenge, mu mabhata mâ moso; nda a kʼijiie kuila eme muene ngi Ngana.

Hozeia 10:5

Akua bhata mu Samádia a-nda kuteketa mukonda dia kiteka kiâ kia kangombe ka Bete-Avene; o mundu uê ua kà ta jingololo mukonda diê, o kibuka kia jinganga ja iteka iâ a kà teketa mukonda dia matunda mâ ma di boto.

Mikeia 5:13

O iteka ié iòbhange ni maku iala muʼaxaxi ké, nga kà i katula-mu kumoxi ni jipholela jê! O eie-muène, kua kà fukama dingi bhu pholo ia ikalakalu ia maku mé.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Sofoniia 2:13

Lukuaku luê lu bhiẋila ue ku suku, ni Asídia u jima, o Ninive uxala ngundu, u kituka ixi ia kukuta mukuâ ni kikangalakata.