Sofoniia 1:3 - O Mikanda Ikola

³ Nga kà jikinisa muene ni athu ni iama, nga kà jima jinjila ji bhita bhulu ni jimbiji mu kalunga, nga kà jimunaku o idibhukanu ioso kumoxi ni iá abhukumuka; Jihova uixi: Nga kà muanga athu oso, kulu dia mundu anga abhua-ku.

Sofoniia 1:3 ပူးပေါင်းရင်းမြစ်များ

Dimatekenu 6:7

Ngana anga u zuela, uixi: Muthu nga mu bhange, ngi mu jimuna kulu dia mundu tunde ku athu katé ni iama, ni ibamba ienda mala bhoxi, ni jinjila ji bhita bhulu; kuma nga diʼelesa mukonda dia ku a bhanga.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Izaía 6:12

Jihova kʼehele-mu dingi athu, o muʼaxaxi ka ixi mu kale muene kusekala kuònene.

Jelemiia 12:4

Enu mala! mbambe bhebhi oxi i kuata ku dila kiki, o iangu ioso ku mukáu hé i kuata kuelela kiná? mukonda dia usuéia ua iá a tungu-mu ni iama ni jinjila ji kuata ku buika; mbata ene exi: Muene disukilu dietu ka-nda ku di mona.

Jelemiia 50:3

Mukonda kua muʼendela muiji ua kusuku ueza mu kuzoka-nê, ua-nda kubhangesa kuila ixi iê i kituka ixi ia ngùnzu, ki i moneka uoso u tunga-mu; tundé ku muthu tulé ku iama ene oso a lenge, aii muene, lalá!

Jelemiia 7:20

Kala kiki, Ngana Nzambi uambe uixi: Talesa, njinda iami ni ngânji iami nga-nda ku i lunduluila ku thandu dia kididi kiki, ni ku thandu dia athu ni ku thandu dia iama, ni ku thandu dia miẋi ia mikáu ni ku thandu dia ibundu iaʼxi; o ki iila léku, ki ia kà jima dingi.

Jelemiia 9:10

Ku milundu ngi tela-ku nzongo ia ku dila, mu ididi i dila o ibhaku mu kikangalakata ngi tela-mu jingololo; kuma mua jikata kiá, u bhita-mu ka moneka dingi; ki muala dingi ku tunda kukoma kua ibhaku; tundé ku jinjila ja bhulu, tulé ku iama, edi o bunganʼéel … ia a lenge-mu!

Izekiiele 44:12

Mbata ene a a kexidile akunji bhu pholo ia mahamba mâ, a kitukile kidibhukanu kia Izalaiele mu kubhanga kiaiibha; kiene ue eme ki nga zengela o lukuaku luami ku thandu diâ, o ene-phe ue ia a-nda kuambata o kikuma kiâ ku thandu diâ, Jihova Nzambi ua ki tange.

Izekiiele 7:19

O phalata iâ a kà i takuila ngó mu jinzunga, o ulu uâ ua kà kituka ditobe; ní, o phalata iâ, mba o ulu uâ, ki ua kà tena ku a bhulula bhu kizuua kia njinda ia Jihova; iene ki ia kà tena kuizalesa o mienhu iâ mba i tena kuikutisa o mavumu mâ, kuma iii ia kexile iene o kifudisu kia kuiibha kuâ.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Hozeia 14:8

Ifalaíme ua kʼèla, uixi: Eme bhu ngalʼabha o iteka nga kuata na-iu kima kiahi? Eme-phe ngi mu suua, o kia zulʼokio ngi ki ivua muene. Mbata eme nga di bhange kala ngi mufuáia ua buingita mu thembu joso, o ibundu ié u i sanga jinga momuami.

Hozeia 4:3

Kienhiki oxi ia-nda kuditenda, ió uoso u tunga-mu u botomoka; katé ni iama ku mukáu, ni jinjila ja bhulu, ni jimbiji ue ja kalunga a kà ji katula-mu.

Zakadiia 13:2

Bhu kizuuʼokio-phe, kia kà kala kiki: Kuma majina ma iteka mu ngongo nga kà ma bhuisa-mu; o iteka ki bhuà kala dingi uoso u i xinganeka, Jihova dia Ilombo Ieta ua ki tange. Ni jipolofeta ja makutu mu ngongo nga kà ji kaiesa-mu, ki ja kà kala-mu dingi; ni nzumbi ioso ia ufusa ue ia kà tunda.

Matesu 13:41

Monʼa Muthu ua kà katula ji-anju jê, ni ja kà bhongolola mu Utuminu uê o ima ioso i bhangesa kudibhala, ni oso a bhanga úsueia,

Matesu 23:39

Kuma ngi mi ambela: Tunde kiki, ki mu ngi mono dingi, katé bhuoso bhu mua kèla: A tane-ku uoso uiza mu dijina dia Ngana.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.