Sofoniia 1:18 - O Mikanda Ikola

¹⁸ O phalata iâ ni ulu uâ ki itena ku a kudila mu kizuua kia njinda ia Jihova; maji ku túbhia tua njinda iê ixi ioso iii ia kà jikata; mukonda, ni kidi kiene, Muene athu oso a tunga mu ngongo ua-nda ku a buikisa muʼanzanzʼumu né ngó muthu ka kà subhuka-ku.

Sofoniia 1:18 ပူးပေါင်းရင်းမြစ်များ

Dimatekenu 6:7

Ngana anga u zuela, uixi: Muthu nga mu bhange, ngi mu jimuna kulu dia mundu tunde ku athu katé ni iama, ni ibamba ienda mala bhoxi, ni jinjila ji bhita bhulu; kuma nga diʼelesa mukonda dia ku a bhanga.

I Jisobha 14:22

Anga Juda u bhanga kiaiibhila Ngana ku mesu mê ni ku mu kuatesa difuba; kuma ni ituxi i a kexi mu kuta, a tunda dingi kia bhangele jinge o jitata jâ joso.

Jobe 21:30

Kuila athu a ibha kizuua kia uíndua ene mu ku a langa, o bhu kizuua kia njinda a a kudila?

Jobe 3:15

Mba hinu nga zeka kumoxi ni ilamba a kexile ni ulu, a kexile mu kuizalesa jinzu jâ ni phalata;

Jisálamu 78:58

A mu kuatesa njinda ni matala mâ ma kubheza mahamba, a mu bhekela difuba ni iteka iâ iósete.

Jisálamu 79:5

Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Jisabhu 11:4

Jimbongo ki ji tena kubhandulula ngana iê bhu kumbi dia njinda; maji o kuiuka ku kudila muthu ku kalunga.

Jisabhu 18:11

Mukua itadi, jombongo jê u ji kita mbonge ia ku mu fikidila; phala muene, kifua kimbaka kia lebha kitala.

Izaía 1:24

Uila kiki, Jihova, Nzambi ia Ilômbo Ieta, o Dizonda dia Izalaiele, uixi: Sembele nga di-bhângela bhu pholo ia jinguma jami, ku muẋima ni ku ngi zele, o athu a ngi zembe anga ngʼa vutuila phonzo.

Izaía 10:17

Mbata mukengeji ua Izalaiele ua kà di bhanga kala túbhia, Dilemba diâ, ukituka mulengo, uene uximika hé u jikinisa o misonge iê ni ivunda iê mu kumbi dimoxi.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Jelemiia 7:20

Kala kiki, Ngana Nzambi uambe uixi: Talesa, njinda iami ni ngânji iami nga-nda ku i lunduluila ku thandu dia kididi kiki, ni ku thandu dia athu ni ku thandu dia iama, ni ku thandu dia miẋi ia mikáu ni ku thandu dia ibundu iaʼxi; o ki iila léku, ki ia kà jima dingi.

Jelemiia 7:34

Hé nga kà zumbula o dízui dia kutonoka ni dia kusanguluka mu madiembu ma Juda ni mu jinzunga ja Jeluzaleme, ni dízui dia ngaiala ni dia dibhanga: mbata oxi ia-nda kua kà di kuata mukondo.

Jelemiia 9:11

Jeluzaleme-phe nga-nda ku mu kitula jindunji ja matadi, dibhata dia midikixi, o madiembu ue mu Juda, ngi maxa jingundu, katé ki mu kala dingi muthu u tunga-mu.

Izekiiele 16:38

Anga ngi ku fundisa muene kala kiene kufundisa ahetu a ta jiphanda, ni iá a bhubhisa o manhinga; anga ngi ku bhakula ku kibhubhe kia manhinga ma njinda ni ma difuba.

Izekiiele 23:25

Mu kuzoka nʼeie nga kà ku kuatela difuba, ene anga a kà ku fundisa ni njinda; a kà ku kumbuna o dizulu ni mátui, o kioso kia kà ku subhuka-bhu kia kà di bhala ku xibhata; o anʼé a mala ni anʼé a ahetu, a kà ku tambula na-u, o uoso hanji ua kà ku subhuka-ku à ka muoha mu túbhia.

Izekiiele 7:11

O kusuina kua kulu kiá ku kuate itulu, phala ku kituke mbangala ia ufusa; kala kiki, kokuʼâ ene ki kua-nda kusubhuka kima, mba ku kifuẋi kiâ, mba ku kilungutu kiâ, mba bhu kala ngó ku a dila.

Izekiiele 7:19

O phalata iâ a kà i takuila ngó mu jinzunga, o ulu uâ ua kà kituka ditobe; ní, o phalata iâ, mba o ulu uâ, ki ua kà tena ku a bhulula bhu kizuua kia njinda ia Jihova; iene ki ia kà tena kuizalesa o mienhu iâ mba i tena kuikutisa o mavumu mâ, kuma iii ia kexile iene o kifudisu kia kuiibha kuâ.

Izekiiele 7:5

Kienhiki ki ambe Jihova Nzambi, uedi: O kuiibha, talesa-ze kuiibha ku moxiʼèlele ngoho, kua-nda kuiza.

Sofoniia 1:11

Dilenu enu mua tungu Makatexi kuma mundu uoso ua Kanana ua jimi, akua kuambata itadi ia phalata ene-oso a buila.

Sofoniia 1:15

Mbata kizuuʼokio kizuua kia njinda, kizuua kia malamba ni phaxi, kizuua kia kavuanza ni mukondo, kizuua kia mujijima uadikota ni kuvunda kuonéne, kizuua kia matuta mavulu ni mbundu iavundu, kizuua kia kitombe kiedi muene buí!

Sofoniia 2:2

Kioso ngongo kiluua itunda, kizuua kiluua kiza kia kubhita kala ibhiate ia-lu phephuluka ni kitembu, kioso njinda ia Ngana kiluua iza, kuthandu dienu, xi, kioso kizuua kia njinda iê ku thadu dienu kiluua kiza.

Sofoniia 3:8

Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.

Matesu 16:26

Muthu u bhanduluka-hi, se ua nganhala ngongo ioso, nʼa te-mu o muenhu uê? Inga muthu u bhanahi mu ta uenji ua muenhu uê?

I Kolindo 10:22

Inga tua mesena kuila Ngana tu mu bhekela difuba? Enu mua xinganeka kuila etu kifua tua mu tundu mu kusuina?

Matendelelu 31:17

Mu kizuua kienʼokio bhene-phe kiá bhua-ndu uamena o kutema kuami, anga ngʼa ehelelela, pholo iami ngi i lungisa kiá kuengi, phala a a jikinise; a-nda kutala hadi ni jiphaxi javulu, anga a kʼèla: O hadi ioso iii ia tuʼijila mukonda Nzambi ietu muʼaxaxi ketu kʼala-mu, ki kiene?