Sofoniia 1:17 - O Mikanda Ikola

¹⁷ Athu nga kà a tatesa anga mu kuenda kuâ a biluka kala ifuófuo, mukonda a te ituxi kua Jihova; o manhinga mâ ma kà di muangena bhoxi kala fufuta, o mikutu iâ ia kà kituka mukuâ ni ditobe.

Sofoniia 1:17 ပူးပေါင်းရင်းမြစ်များ

Jisálamu 83:10

A buidila bhu Endodi, imbi iâ anga i biuluka ditobe dia mavu.

Izaía 29:10

Mbata Jihova ua mu lunduluila nzumbi ia kilu kia muioko-ioko; o jipolofeta ja di bhange ene o mesu menu, a a jika; ni ilôlo ienu, akua-lumono, kiòmuene.

Izaía 50:1

Jihova ua zuela kiki, uixi: Lubongo lua kusenga na-iu mamʼenu luala kuebhi, lu nga mu senga na-iu? mba mukuahi nga mu dia dikongo, o ki nga lémbua ku mu futa, eme nga mi sumbisa-ku? Talesa, ikuma ienu iene ia mi sumbisa, o itondalu ienu iene ia sengesa mamʼenu.

Jelemiia 10:18

Mbata Jihova uambe kiki: Tala-ze, kiki kiá, akua bhata moxʼumu nga-nda ku a takula, kala a a takula ni funda, hé nga a bhondeleka, nda ki a xixime, ni kuila:

Jelemiia 15:3

Kuma nga-nda ku a endela ni mavuua ma uana, eme ngi Jihova, ngiia ni xibhata phala ku jibha, ni jimbua phala ku a koka, ni jinjila ja bhulu ni iama ia bhoxi, phala ku a zokonona ni ku a jikinisa.

Jelemiia 18:21

Kienhiki-phe, anʼâ a bhakule ku nzala, u a bhakule ue ku nguzu ia xibhata, akajʼâ a a nhane o tuana, ene uâ a xale atudi; a muadi uâ a bhituke ku phoko ia kalunga, o anʼâ a mala a a kuame ku xibhata mu kubhânga mvunda.

Jelemiia 2:17

Mbé o kiki kʼeie muene ua di sotelè-kiu, o kuxa Jihova Nzambi ié, bhu kithangana kia muene ku kuendesa mu njila?

Jelemiia 2:19

O usuéia ué ua-nda ku ku bhana njumbu, mauendelu mé ma kuselumuka ene a-nda ku ku bazela: tuma-phe ku kʼijiia u di muene-kiu kuila o kuxa Jihova Nzambi ié, kima kiaiibha, ki ludisa mu kanu, ni ku kamba eie o uoma uami-eme, kiene kiambe Jihova dia Ilombo Ieta.

Jelemiia 3:25

Tua xalela mu jisonhi jetu; a tu vungina kuala o kavuanza ketu, mbata Jihova Nzambi ietu tua mu te kituxi, nʼetu ni adietu, tundé mu undenge uetu katé mu kizuua kia lelu; etu tua fulu ku bhana matui ku dízui dia Jihova Nzambi ietu.

Jelemiia 4:18

O uendelu ué ni ikalakalu ié iene ia ku seiela ima ienhiʼii: o kiki kiene o kikuma kié, o kulula kue kuavulu ku ku bhixila katé ku muẋima.

Jelemiia 8:2

Anga a i aneka ku muanha, ni ku mbeji ni ku ilombo ioso ia diulu, ia zolele ene, ia bhikila jinga, ia kaiela jinga, ia kexile mu kusota, ia a kexile ku i diundila: ka kà i ongeka, né ku i funda; ia kà xalela ngó mukua ni ditobe ku thanduʼa mavu.

Kuditenda 1:14

O kanga ia itondalu iami, a ngi kutila na-iu ku thandu kuala o lukuaku luê; o itondalu iami ioso iothangune muene, iá a ngi tudika-iu mu xingu; o muene iú ua ngi iokola, nguzu ioso ia ngi bhu; Jihova iu ua ngi bhakula ku iiala ia bhingi kuila bhu maku mâ, ki nga-nda kutena dingi kusutunuka-bhu.

Kuditenda 1:18

Jihova ualunguʼê muene; mbata éme-ku, eme nga balukila o ngonge iê; enu-phe, ivenu, mu miji ioso, talenu o kikote kia ngʼiza! Ni ilumba iami ia mizeletete, ni minzangala iami ia mala, ene oso aii-nâ ku ubhika.

Kuditenda 1:8

Jeluzaleme uate kituxi kiaiibha kiavulu, kiene ki a sebulukila; ene oso a mu bhele jinge ujitu, kiki a mu sebulula, mukonda a mu mono kuila uala tuẋi, uazuluka! Muene ue u kala mu kumba, iú u vutuka ni dima, sonhi ja mu kuata.

Kuditenda 2:21

Ni ikulakaji ni tuana tua ndenge, azeka bhoxi mu maluua; ni ilumba iami ia mizeletete ni makuenze ami a mala, oso muene a lalumuka ku xibhata; eie ua a jibha bhu kizuua kia tukuluka o njinda ié; eie ua a batula o xingu, ni ku a kuatela ngó henda, lémbue.

Izekiiele 16:38

Anga ngi ku fundisa muene kala kiene kufundisa ahetu a ta jiphanda, ni iá a bhubhisa o manhinga; anga ngi ku bhakula ku kibhubhe kia manhinga ma njinda ni ma difuba.

Izekiiele 24:7

mukonda o manhinga mê ala muʼaxaxe kê, ua ma tula ku thanduʼa ditadi dia kabhuetete; ka ma zunzila bhoxi, kana, phala ka a vungine ni mavu.

Izekiiele 24:8

O manhinga mê anga ma tula bhu ditadi diedi bhuetete, phala ka ma vungine, mbé o kuzangumuna o njinda, ni kuvutula o phonzo.

Amoji 4:10

Nga mi tumikisa dibhebhu dia kipheku mukuâ ni mu Ijitu; minzangala ienu ia mala nga a jibha ku mazu a xibhata; o jikabalu jenu nga jʼehela o ku ji kuta ni ku ji bhûnda ia aii na-ju; o dizumba dia kibuzu kia ifuẋi ienu nga di tukumuna muene ni ku mazulu enu tute; maji Jihova uixi: Né kieneʼokio ue, enu mua lémbua kudiela ni mu bhiluke kokuami.

Mikeia 7:13

Sumbala kiene, maji oxi ienhiʼii-phe a kà i xa ngùndu, mukonda dia athuʼê a tunga-mu, ni mukonda dia kikexilu kia ibundu ia ima iâ iene mu kubhanga.

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 11:7

O kiki-phe tuila ihi? Tuila kuma o kima kia kexi kusota akua Izalaiele, ka ki mono. Ofele ngó a a solo kuala Nzambi, ene a ki mono. Amukuâ-phe a di bhange mixilu ku kixanu kia Nzambi.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

II Phetele 1:9

Uoso-phe imʼiii ia mu kambe, uala kifofo, mba muthu u mona ngó bhua zukama, iú ua di jimbi kuila a mu ixika kiá o ituxi iê iokulu.

I Nzuá 2:11

O uoso-phe u zemba phangʼiê, uala mua vundu, uenda mu kitombe, kejiia kuoso ku a di tela, mukonda o usuku ua mu fuisa o mesu.

Dijingunuinu 3:17

Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!