Sofoniia 1:16 - O Mikanda Ikola

¹⁶ Kizuua kia kuxika koloneta ni mitendu ia kumuanga jimbonge jʼonéne ni tuthôndo tua dileka.

Sofoniia 1:16 ပူးပေါင်းရင်းမြစ်များ

Izaía 27:13

Mu kizuua kieneʼokio, kia-nda kua kà kala-phe kiki: A kà xika-mu koloneta ionéne, o ió oso-phe a texikile ni kubunganena mʼoxi ia Asídia, ni oso a a balakalele kʼoxi ia Ijitu, a kà vutuka dingi anga a kà bheza Jihova ku mulundu uê uangene, mu Jeluzaleme.

Izaía 32:14

Mbata dizemba dia kà xala ngundu, muxindu ua diembu ua-nda kubhua-ku; Ofele, ni tuthondo tua tungudita tua alangi, tua kà xala jingenda katé ku hádia, tu kala phala matonokenu ma mikete ku mukáu, ni makêla phala ibhaku,

Izaía 59:10

Tua mu babajalela ku iphapha kala tu ifofo, kidi muene, tua mu zuzuta kala athu a kambe o mesu; katé ni ku mediia tu dibhukajana kala kuala kitombe, tua batukila mua vundu kala tu madifundu.

Jelemiia 6:1

Enu muʼana a Bejami, mu kaxi ka Jeluzaleme tundenu-mu, mu lengele o muenhu uenu; xikenu ue mbungu mu Tekoua, lekenu ue sama ia túbhia mu Beth-haselene; kuma ku mbandu ia kusuku ku kuijiia kibhidi ni kibuika kia dikota.

Jelemiia 8:16

Tundé ku Dane ia evua kiá o dihemakata dia jikabalu jê: oxi ioso ii zamba mukonda dia kuívua o mázui ma jikabalu ja nguzu; ia eza muene, a habula oxi ni nzungule iê ia ima; ni mbonge, ni ió oso a tungu-mu.

Izekiiele 7:7

Kuêla kué kua bhixila, eie ua tunga mu ngongo. Eie ua tunga mu ngongo, iá eza mu ku ku belesa, kithangana ki kiza; o ku milundu, kizuua kia hadi kia bhixila, ki kia kusanguluka, kana.

Hozeia 5:8

Xikenu mbungu mu Jibeia, koloneta i tende mu Lama! Kolenu nzongo mu Bet-avene! Aluka-phe eie Bejamí, kia ku iza-ze!

Hozeia 8:1

Tá mbungu ku dikanu dié. Muene iu uiza kala holokoko phala kuvubuka mu dibhata dia Jihova, mukonda ene a matuka o kikutu kiami, o kitumu kiami a ki bhukumukina.

Jouele 2:1

Mu Ziione xikenu-mu mbungu, dikodienu ni dízui dia suína mu mulundu uê ukôla. Ene oso a tunga mu ngongo a tekete, kuma kizuua kia Jihova kì kiza, kiene kia zukama kiá.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Habakuke 3:6

Uemana, anga u kala mu kuzonga ixi; ua tale, iu ua uanununa o miji; o milundu iòkulu i sekumuka anga i kituka fufuta, o tu-thuthulundu tua makulu ni makombe, tu senguluka, anga tu jikinina, maji o jinjila ja Nzambi ja kaiela-ku.

Matendelelu 28:52

Sanzala jé joso ja kà sekala, kuma a kà ji kondoloka ku jinguma; o imbaka ié ioso iamakota i ua dielelele, ia ku fikidile kiambote, a i lundumuina bhoxi. Mu ididi ioso mu uatungu ua kà kala ni mukondo, a kà ku kondela bhu mielu ioso katé kiá kua suku oxi ioso ia-nda ku ku bhana Jihova Nzambi ié.

Josuué 6:20

Kala kiki, kifuẋi a kola, jinganga ja xiki jimbungu. Bhenhobho o kifuẋi kioso kievu jimbungu ja bhana dízui, ene uâ a dikola ni dízui diasuina, lumbu anga lu lundumuka, lu zeka muene bhoxi, o mundu anga enda ni kubokona, muthu ni muthu bhuoso bhua lulamena, mbonge, ia di bhange ia ene, kuma a i tambula.