Sofoniia 1:13 - O Mikanda Ikola

¹³ Mukonda dia kiki, mabhata ma enhó a kà ma bhûnda, o jinzu jâ ja kâ muangana. A kà tunga jinzu, maji ka kà zeka-mu; a kà dima mábhia ma mivide, maji hadi ia ngó, vinhu iê ka kà inua.

Sofoniia 1:13 ပူးပေါင်းရင်းမြစ်များ

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Jelemiia 15:13

O jimbongo jé, ni mabhakelu mé, nga-nda ku a bhakula phala ku ku bhunda-u, mu ngoho; kia ki bheka-phe o ituxi ié ioso, ki bhita muene mu jimbambe jé joso.

Jelemiia 17:3

Eʼ mulundu uami uene mu mukáu! o mvuama ué ni mabhakelu mé moso nganda ku a bhakula ku mbole, katé ni matala mé maia ue, mukonda dia kituxi, mu jimbambe jé joso.

Jelemiia 4:20

Kutunda kibuika kuiza kibuika ni kubhana jingolokela, kuma oxi ioso ió buikise kiá; nga tukumuka ngó o jibalaka jami ni jikortina a ji jikinisa, muʼanzanzʼumu!

Jelemiia 4:7

O hoje ia fomoka kiá ku muxitu uê, ii banda, ni mubuikixi ua ifuẋi; muene ua katuka kiá, iú ua tundu kiá bhu kididi kiê, phala kubhangesa oxi ié i biluke jingundu; phala ku ku buikisa o madiembu mé, ki bhu kala dingi muthu u tunga-mu.

Jelemiia 5:17

Ene hinu a kàdia o itula ié, ni mbolo ié ia tokalele anʼé a mala ni anʼè a ahatu; jimbudi jé ni jingombe a kà kudia-ju; a kà dia ue ni muvide ué ni mufiku ué; o jimbonge jé ja makota ji ua dielela a-nda ku ku senguluila-ju kuala o xibhata.

Jelemiia 9:11

Jeluzaleme-phe nga-nda ku mu kitula jindunji ja matadi, dibhata dia midikixi, o madiembu ue mu Juda, ngi maxa jingundu, katé ki mu kala dingi muthu u tunga-mu.

Jelemiia 9:19

Kuma ku Ziione evu-ku dizui dia kudila: Etu tua sengulukʼó! Sonhi ja tu kuata kiavulu, mukonda ixi tua i xi, o ene mabhata metu iá a tu senguluila-nâ.

Kuditenda 5:2

Undundu ua muiji uetu uai ku athu engi; jinzo jetu akua makanga a ji tambula.

Izekiiele 22:31

Kiene-phe ki nga lunduluila o njinda iami ku thandu diâ; eme nga a jimi o mbutu ni túbhia tua kutema kuami; o jinjila jâ eme nga ji bhangesa muene kusonokena ku thandu dia mítue iâ, Jihova Nzambi ua ki tange.

Izekiiele 7:19

O phalata iâ a kà i takuila ngó mu jinzunga, o ulu uâ ua kà kituka ditobe; ní, o phalata iâ, mba o ulu uâ, ki ua kà tena ku a bhulula bhu kizuua kia njinda ia Jihova; iene ki ia kà tena kuizalesa o mienhu iâ mba i tena kuikutisa o mavumu mâ, kuma iii ia kexile iene o kifudisu kia kuiibha kuâ.

Izekiiele 7:21

O matunda enʼiá a kà a bhakula bhu maku ma athu engi nʼa kale mbole iâ, ni bhu maku a ingumba nʼa kituka manonena mâ; anga a kuata ku ma sebulula kiá.

Izekiiele 7:24

Anga ngʼixana athu a beta kota mu kuiibha, ene mu kaxi ka miiji ku mundu, ene a kà tunga mu jinzu jâ; anga ngi buisa-ku o kuzangalala kua mazonda, o ididi iâ ikôla ia kà sebuluka.

Amoji 5:11

Kala kiki, mukonda dia kuila ngadiama mu mu diota kinama, anga mu mu jijidika ku futa lubhaku lua tiliku, mua kà tunga jinzu ja matadi osete maji ki mua kà kalamu; mua kà phapha mábhia ambote a mivide, maji vinhu iê ki mua kà i nua.

Mikeia 3:12

Uila kiki, mukonda dienu, Ziione hádia a mu dima kala mukáu ua hatu, Jeluzaleme ua kà kituka jindunji ja matadi, o mulundu bhuala o inzu ienhiʼii, bhua kèla kala muxitu bhu thala ia milundu.

Mikeia 6:15

Ku mábhia ua kà kuna muene, maji kua kà muna-ku kima; ua kà vuka maji, maji o a kudiuaia-phe kua kà a mona; ua kà kâma vinhu, maji ua kà lémbua-phe o vinhu ia kúnua.

Sofoniia 1:9

Mu kizuʼokio nga kà beta ue ene oso ió a bokuena bhulu dia muelu, anga ezalesa jinzo ja jingana jâ ni kusuina ni usuéia.

Matendelelu 28:30

Ua kà sakana muhatu, maji muthu uengi u zeka-nê. Ua kà tungaʼonzo, maji muthu uengi u i bokona. Ua kà dima mulenga ua mivide, maji ua kà lémbua kulola-ku kibundu.

Matendelelu 28:39

Ua kà phapha mivide ia vulu, anga u i dimina muene, maji, kua kà katula-ku tuvinho tua kúnua, mba u kanza-ku ji-uva, mukonda tubamba tuene kujeja, tua kà i sasala.

Matendelelu 28:51

Luvualu luoso ta ibhaku ié ene a kà lu habula anga a lu minha, a kʼèkuta jinga ni idima iaʼxi ie, katé eie ua buika; enhá ima ioso a kà ku bhûnda-iu ka kà ku xila mbolo, mba ngó tuvinhu, mba maji, né ibhanga ia jingombe mba ilunga ia jimbudi, katé eie muene ua jikinina.