Sofoniia 1:1 - O Mikanda Ikola

¹ Kizuelu kia Jihova kieza kua Sofoniia, monʼa Kuxi, monʼa Jedaliia, monʼa Amadiia, monʼa Hezekiia, mu izuua ia Joziia, monʼa Amone, Sobha ia Juda.

Sofoniia 1:1 ပူးပေါင်းရင်းမြစ်များ

II Jisobha 21:18

Anga Manasa uzeka ku mukânda ua mavu ni jitata jê; hé a mu funda mu dibakala diê dia itulu ia dibhata diê; mu dibakala dia Uza; anga Amone dia monʼê u hinga bhu kididi kiê mu kutumina.

II Jisobha 21:26

Muene iá a mu fundu mu mbila iê mu dibakala dia itulu mu Uza; o Joziia, dia monʼê, muene ua hingi ungana bhu kididi kiê.

II Malunda 33:20

Manasa anga u zeka kuʼàia jitata jê, anga a mu funda muene mʼonzo iê; o Amone dia monʼê anga u hinga o ungana bhu kididi kiê.

Jelemiia 1:2

Kua muene kuene kuejile kizuelu kia Jihova, mu izuua ia Joziia, monʼa Amoni, sobha ia Juda mu muvu ua kakuinhi niʼtatu ua utuminu uê.

Jelemiia 22:11

Kuma kiene kiambe Jihova kua Salume, monʼa Joziia, Sobha ia Juda, ua hingi ungana bhu kididi kia tatʼâ Joziia, ua tundu bhu kididʼiki, kuma: Nuka dingi a kà vutukila-bhu.

Jelemiia 25:3

Tundé mu muvu ua katatu ua Joziia, monʼa Amone, sobha ia Juda katé mu kizuuʼiki kizuelu kia Jihova kieza kokuami, nga di meneka ni kuzuela eme nga mi tangela-kiu enu, maji enu mua ditunu kuívua.

Izekiiele 1:3

O kizuelu kia Jihova anga kiza muene kua Izekiiele, monʼa Buzi, o nganga, mʼoxi ia akua Kaldeia, bhu kibumu kia ngiji ia Kebale, bhenhobho bhene muene bhua mu tudila o lukuaku lua Jihova ku thandu diê.

Hozeia 1:1

Maka ma Jihova, u ma tudila Hozeia, monʼa Bedi, mu izuua ia Uziia, ni Jotamu, Akaji, ni Ezekiia, jisobha ja Juda, ni mu izuua ia Jelobouamu, monʼa Jouaze, sobha ia Izalaiele.

II Timote 3:16

Kuma Mikanda ioso ia bhusu Nzambi, mikanda ia kubhandulula, ni mu kulonga o kidi, ni mu kubazela itondalu, ni mu kuiukisa iabhengalala, ni mu kuijidisa uendelu uambote.

II Phetele 1:19

Mukonda dia kienhiki, o maka ma tanga jinga o misésedi, tua beta dingi o ku ma dielela kiavulu. Enu uenu mua-lu bhanga kiambote, o ku mʼaluka, enhá. Mukonda ene a di bhange mukuâ ni kandeia ka muikina mu kididi kia vundu, katé kikia o kizuua, anga o mukengeji ua thethembua ia kimene, u muikina mu miẋima ienu.