Obadiia 1:9 - O Mikanda Ikola

⁹ O mazonda mé, eie Temane, a-nda kukala ni uoma, phala athu oso a buike ku kijibha, mu mulundu ua Ezaú.

Obadiia 1:9 ပူးပေါင်းရင်းမြစ်များ

Dimatekenu 36:11

Ilifaji u kala ni a nʼê: Temane, Omale, Zefo, Ngetamo, ni Kenaji.

I Malunda 1:45

Jobabe ue hé ufua, o bhu kididi kiê mu kutumina anga bhu bhingana Huzame mukua ixi ia Temane.

Jobe 2:11

O makamba a tatu a Jobe-phe, kioso kia zubha kuívua o kuiibha kuosʼuku kua lundulukila ku thandu diê, eza, muthu ua tundu bhu kididi kiê, muthu ua tundu bhu kididi kiê, enhá; Ilifaji mukua Temane; Bidade musuuita, ni Zofale mukua Nahama; hé a di kunda kuiza kumoxi mu ku mu hindula ni ku mu konda malamba.

Jelemiia 49:20

Kala kiki, ivuenu kaiula ka Jihova, ka tange muene kua Idomo; ni ixinganeku ia thulu iê, mu kuzoka ni iá a tungu bhu Temane; mbata ni kidi kiene, o jindenge mu kilunga ja-nda kua kà a sunga-sunga; kuma ni kidi muene, mabhata mâ ua kà ma senguluila ku thandu diâ.

Jelemiia 49:22

Tala-phe, ua kà banda kala holokoko, u tuka, uoleka mabhabha mê ku thandu dia Bozola; o muẋima ua mazonda ma Idomo, mu kizuuʼokio, ua kèla kala muẋima ua muhetu uala bhu mika ia kuvuala.

Jelemiia 49:7

Ku mbandu ia Idomo, Jihova dia Huxi, uambe kiki: Mbé mu Temane kana-mu dingi kuijiia? Mulongi iuná ua athu ejiia ki uala-mu dingi? O kuijiia kuâ kua tumbuluka kiá?

Izekiiele 25:13

Kala kiki, o Jihova Nzambi, uambe kiki: Eme uami o lukuaku luami nga-nda ku lu sunununa mu kuzoka ni Idomo, katé ki ngi halumuna-mu athu ni ibhaku; anga ngi mu kitula kikangalakata; tundé mu Temane katé mu Dedane, a kà tenuka ku xibhata.

Amoji 1:12

Mukonda dia kienʼiki Temane ngi mu ta mu túbhia ni tua kà jikinisa jinzu ja matala-matala mu Bozola.

Amoji 2:16

Katé ni ió ua suina kinéne muʼaxaxe ka mazonda ni akuâ, kizuuʼokio ua kà lenga tuxi-a-thakala! Kiene kiambe Ngana.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Obadiia 1:5

Se kua ku ijiie eii, mba akua kubula ni usuku, (tala kioso ngó kia ku muange!) manhi keje kunhana katé kia lémbua? Se akua kubhongolola jiuva ejiie ko kué, manhi keje kuxisa tuílende tua ijimbuete?

Nahumu 3:13

Talesa-ze, o mundu ua masoladi mé ma ita, edi ngó kala ahatu oso muʼaxaxi ké; o matundilu oso a ixi ié, a ma jikuila muene o jinguma jé ku mbandu ni mbandu; o jiphapha jé ja felu ja kujika na-ju mabhitu mé, ja kà bhia mu túbhia.

Habakuke 3:3

Nzambi uijiia ku Tamane, ió Ukôla uijiia ku mulundu ua Palane. (Selah) Fuma iê iezalesa o diulu, o ixi ue iezala ni diximanu diê.

Matendelelu 2:5

Kana ku di kuata-nâ, mbata Eme ki nga-nda ku mi bhana-ku né ngó kama kua Izaú mu ubhinganu.