Obadiia 1:3 - O Mikanda Ikola

³ Ukumbu ua muẋima ué ua ku nganala, mukua ni ió uoso u tunga mu mabanda a matadi; kifua ua tungu ua somo, hé u tanga ku muẋima uê kuma nanhi ua kà ngi muanga kulu dia mundu?

Obadiia 1:3 ပူးပေါင်းရင်းမြစ်များ

Dimatekenu 36:8

Izaú anga u tunga mu mulundu ua Seíle. (Izaú-phe muene Idomo.)

II Jisobha 14:7

Muenʼiú ua jibha kuinhi dia midi ia akua Idomo, mu Dikôlo dia Môngua, o mu ita anga u tambula Sela, hé u muʼixana uixi Jokotele, katé mu kizuua kia lelu.

II Malunda 25:11

Amaziia anga u di bhanga kindanda, uendesa kifuẋi kiê, anga aia mu dikôlo dia môngua; hé a jibha kuinhi dia midi ku anʼa Seíle.

II Malunda 25:12

Anʼa Juda ue hé a kuta dingi kuinhi dia midi ni muenhu uâ, anga eza na-u bhu zokozoko dia ditadi dia dikota; o bhu dizokozoko dia ditadi bheneʼobho, aia ni ku a lundumuina bhoxʼèlele katé ene oso kia sasujuka.

Jobe 20:6

Né hanji o kitala kiâ ki lebha hé ki banda katé ku diulu, o mítue iâ i bhixila ku matuta,

Jisabhu 16:18

O izala iene mu tuama, anga kukaiela o kusenguluka; o kudizangeleka kua muẋima kuene mu diangela, anga kukaiela kiua o kibhalu.

Jisabhu 18:12

Muẋima ua muthu u di zangelaka, ua-lu sota kibhalu; uinda o kijingu, u dianga o kubatama.

Jisabhu 29:23

Muthu mukua ukumbu, o ukumbu uê uene hádia u mu katula o kijingo; maji o mukua muẋima ua batama-phe u bonga ujitu.

Izaía 16:6

Ukumbu ua Mouabhe tua u ivu fuma, exi, disese divula kua Mouabhe; tuevu katènda kê, tuevu ukumbu uê, tuevu ngânji iê; ku di-kudisa kuê-phe kingoho.

Jelemiia 21:13

Jihova uambe kiki: Talesa, eme nga ku futulukila eie, ua tunga mu dikolo, eie u ndanji mu dinhana, nga mi luualela enu muala kuila: Mukuahi u kulumuka kunu ku tu lua? Mba mukuahi u bokona mu mabhata metuʼô?

Jelemiia 37:9

Jihova phe uambe kiki: Ki mu tobhese mienhu ienu, ni kuila: Amá! Ki bhuala phata muene! Akua Kaldeia a-nda ku tu xa muene! Mbata ka-nda ku mi xa-phe.

Jelemiia 48:28

Jimbonge xé-nu-ju mu tunge mu matadi, enu muà tunga bhu Mouabhe; muile kala diembe ki di tunga o kikalanga kiê ku nzènde ia dikenhe.

Jelemiia 49:16

O ku dizangeleka kué ni ku di temeneka kua muẋima ué kua ku nganala kiavulu. Eie ua tunga mu mabànda ku matadi, ua tulama bhu thala dia milundu, né-mbé kikalanga kié u ki ta bhua dileka kala holokoko, hanji, kuenhoko kuene ku nga-nda ku ku lundumuna, Jihova ua ki tange.

Jelemiia 49:4

Mukonda diahi u di ximanena jihonga, jihonga jé ja uabha kinéne, eie monʼa kilumba ua ẋinuka, eie ua dielela ku jimbongo jé, uixi: Nanhi muene uiza mu kuzoka nʼeme?

Izekiiele 28:16

Mukonda dia kusokoloka kua mauenji mé, moxi dié mua kuizala ni kusuina, eie ua te o kituxi; mukonda dia kiki, ua di jingununa, ku mulundu ua Nzambi nga-nda ku ku lundumuna-ku, o mu matadi a lekujuka nga-nda ku ku jimisa-mu, eie u xelube ia mubhangedi.

Malakiia 1:4

Né hanji Edomo uala kubanza, kuila: Sumbala a tu sengulula kiua, maji hanji, jingùndu tua kà tona dingi ku ji tunga lua mukuá. Maji-phe, Jihova dia Ifuẋi uambe kiki: Ene némbé a tunga, eme nga-nda ku a sengulula muene; a kà a luka, exi: Ixi ia isuéia; athu a di zemba ni Nzambi, katé njinda iê ia a uamena ku thandu diâ mu thembu joso.