Obadiia 1:20 - O Mikanda Ikola

²⁰ O abhika a jihutile ja kilômbo kiki, kia anʼa Izalaiele oso a a balakala, ala mu kaxi ka akua Kanana, a kà lundula ixi ia akua Kanana katé mu Zalefate; o iá aii ku ubhika a a kutile mu Jeluzaleme ia ala mu Sefalade, a kà lundula jimbonge joso ja sulu.

Obadiia 1:20 ပူးပေါင်းရင်းမြစ်များ

Jelemiia 13:19

Madiembu ma sulu a ma jika, u ma jikula ka moneka; Juda ioso a i ambata ku ubhika; kiene muene, Juda ioso a i ambata ku ubhika.

Jelemiia 3:18

Mu izuua momo dibhata dia Juda ni dibhata dia Izalaiele a-nda kuendela bhuamoxi; hadia a kʼèjila bhuamoxi mu tunda kuʼoxi ia kusuku nʼeza mu ixi i nga bhanene jitata jâ mu ubhinganu.

Jelemiia 32:44

Mikáu muene a-nda ku i sumba mu kitadi, ni ku di bhangela mikanda ia uenji, anga a i ta idimbu muene, hé a bhangesa jimbangi ku ki kalela ku pholo mu ixi ia Bejamí, ni mu ikanzu ia Jeluzaleme, ni mu jimbonge ja Juda, ni mu jimbonge ku milundu, ni mu jimbonge mu iphenza, ni mu jimbonge ku mbandu ia Sulu; mukonda eme hádia nga-nda kubhangesa kuila a vutuka dingi mu ixi mumu, a tunda ku uhutile uâ, kiene kia tange Jihova.

Jelemiia 33:13

Mu jimbonge jala ku milundu, ni mu jimbonge jala mu iphenza, ni mu jimbonge ja Sulu, ni mu ixi ia Bejamí, ni mu jimbandu ja Jeluzaleme ni mu jimbonge ja Juda, hanji mua-nda ku kala ibhaku i bhita bhu maku ma akua kualula, Jihova ua ki tange.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Izekiiele 36:12

Anga nga kà bhangesa kuila ku thandu dienuʼenu mu athu, kuene kuendela o mundu uami ua Izalaiele; ene a-nda ku kúvua, hé u kituka u undundu uâ, eie ue ki mungu dingi u mu zubha o tuana.

Luka 4:26

Maji kana-bhu-phe muthu mu atudiʼa Izalaiele a mu bhele Elija ku mu langeka, ki kale a mu tuma ku muhatu ua mutudi ku Seleta, mʼoxi ia Sidonha.