Obadiia 1:12 - O Mikanda Ikola

¹² Eie kua tokalele kusangulukila kizuua kia phangʼiê, o kizuua kia kubhondalala kuê, kia mu bheka mu ubhika; né o kizuua kia kubuika kua anʼa Juda eie u ki tanena, mba kanu dié u di zambesa ni kuzuela mu kizuua kia kubhondalala kuâ.

Obadiia 1:12 ပူးပေါင်းရင်းမြစ်များ

Jobe 18:20

O kizuua kiê kia kà kuata uôma kua iá oso a kèza-ku, o akua ukulu kiá, kia kà a kuatesa kimbulambula.

Jobe 31:29

Se nga sangulukila o uíndua ua mukuetu ua ngi zembe, mba eme nga tana kioso kuxixima ki kua mu tula,

Jisálamu 22:17

ifuba iami ioso i xikina muene ku i tanga! Ene-phe ia a ngi tala, ala ku ngi toka mesu.

Jisálamu 31:18

A bhane ububu, oso ala ni mizumbu i tanga makutu; akua kuhina-hina mu longolola o muthu ua iuka, anga a mu bhanga kasekelu, aia ni ku mu kenha.

Jisálamu 35:15

Maji eme-phe bhu nga tâtela, ene kia a uabhela; a ngi bhongolokela muene kala athu engi; a bhindamena ku ngi dia ni ku ngi ẋuua-ẋuua, o kituxi ki nga te ki nga kʼijiia.

Jisálamu 37:13

Maji Jihova-phe u mu olela, kuma ua mono o kizuua kiê ki kiza.

Jisálamu 54:7

Kuma eie ua ngi kudila mu phaxi, jami joso; o mesu ami a ki mono, kioso ki ua ngi bhange o jivondadi ku jinguma jami.

Jisálamu 59:10

Nzambi iami u ngi sanga ni kulenduka kué; u ngi bhanga jivondadi kua ió jinguma jami ala ku ngi séia.

Jisálamu 92:11

Mesúʼami à ki mona, ki uâ ngi bhanga o jivondadi ku jinguma jami, matui ami ue à kevua kioso kia bhiti kua enhó a kexe ku ngi balukila.

Jisabhu 17:5

Muthu uoso u tobhesa ngadiama, ua lokalala uoso ua mu bhanga; muthu uoso u sanguluka mukonda dia mukuá ua bhituka mu jiphaxi ja zongo, muenhʼô sai kaxtiku kê.

Izaía 37:24

Eie ua tumu o jiselevende jé kule-bhula Jihova, uixi: Ni nzungule ia makalu mami, nga bande bhu thalʼa milundu katé mu jihotʼèlele ja Libano; nga kà batula misédro iê ioso ialebha-mu ni mifaia ioso ia uabha-mu, anga ngi bokona muene katé bhu thalʼélele, bhu muxitu ua vundu bhuene o mavu a idima.

Kuditenda 2:16

Nguma jê joso-lolo muene, a bhane mu kanu mu ku ku tembula eie; a xika mixi, a di keketa ku mazu, exi: Né! tua mu minha muene! Ni kidi kiene muene, kiki kiene o kizuua, ki tua kinga jinga ukulu; lelu tua ki sange, tua ki mono.

Kuditenda 4:21

Eie-phe, monʼa kilumba kia Edomo, ua tungu mʼoxi ia Uze, tana-ku, u sanguluke! Dikáu-ze hádia dia-nda kubhiẋila ue kokué, hinu-phe ukodiua na-diu anga u di vungununʼê eʼmuene-muène hé u xala tuẋi.

Izekiiele 35:12

Anga eie ue ua kà kʼijiia kuila eme ngi Jihova, ngʼevu o jindaka jé joso ji ua xingi ku milundu ia Izalaiele, uixi: A i sengulula kiá, ia a tu bhana-na-iu etuʼene phala kúdia kuetu.

Izekiiele 35:15

Kala eie kioso ki ua sangulukila o undundu ua dibhata dia Izalaiele, kuma a mu sengulula, kiene ue ki nganda ku ku bhanga eie; ua-nda kusenguluka, eie u mulundu ua Seíle, kumoxi ni Idomo dioso, xi, Idomo dioso muene; anga a kà kʼijiia kuila emeʼeme ngi Jihova.

Izekiiele 36:5

kala kiki, o Jihova Nzambi uambe kiki, uixi: Ni kidi kiene, mu túbhia tua muanu uami, muene mu nga zuelela mu kuzoka ni masubhu a akua jixi ni Idomo ioso kiá, ala kubhûnda o ixi iami, ni kusanguluka kua muẋima uâ uoso, ni kukamba kusuua o muenhu, mbé ku u takuila ku uiii.

Mikeia 4:11

Kindala, miji iavulu a ku bhongolokela, a di te mu kuzoka nʼeie, iá ala kuila, exi: A mu sebulule muene, mesu etu a ki mone, nda a tane kala kia kiandalele mu kumona bhu suka Ziione.

Luka 19:41

Mu kuia mu kubhiẋila, u mona o mbanza, anga u i dila, uixi:

Tiiaku 3:5

Kiene ue o dimi, sumbala kidiandu kiofèle ngó, maji di di hanza ni ima ia makota. Talesenu, muxitu né ua kulu kiavulu, u tambula tubhia ku mulengu uofele ngó!

II Phetele 2:18

Kuma ene a tanga maka ma ku di kaka, a zuela izala ioso, o mu hânji jâ ja xitu ni mu ufusa, a bhomba athu ió oso ambe kiá kubhuluka mu akuâ a nanga mu kutondala.

Juda 1:16

Athu kala iá, akua kudizumina jinga ni kulongolola ni kufunda, enda kioso kia a tumu o jihânji, a kala ni dikanu dia ku di kaka, a kala ni kathombo kʼ athu mbebhu o kunganhala.

Dijingunuinu 13:5

Kiama anga a mu bhana dikanu di zuela ima ia mu tundu, ni isunji iaiibha mu kuxinga Nzambi. Hé a mu bhana kijingo kia kubhanga imbamba iê mu makuinhi auana a mbeji ni jiiadi.

I Samuuele 2:3

Kana kuvudisa dingi kuzuela kuenu kua ukumbu, ki mu tunde dingi ima ia izala mu kanu dienu, kuma Jihova muene Nzambi ia unjimu ni kuijiia, ima i bhanga athu Muene uene ku i pezala ku dipezalelu