Obadiia 1:10 - O Mikanda Ikola

¹⁰ Mukonda dia kukakela phangʼié Jakobo, kua kèza kavanza ku thandu dié, katé ki u jima mbutu ku hádia ni hádia, nzaká.

Obadiia 1:10 ပူးပေါင်းရင်းမြစ်များ

Dimatekenu 27:11

Jakobo anga u ambela manhʼâ Bebeka, uixi: Tala, o phange iami lzaú-ze mukua kindemba, eme-phe nga txanana.

Dimatekenu 27:41

Izaú anga u zemba Jakobo, mukonda dia dibesá diodio dia mu zediuisa na-diu tatʼâ; Izaú anga u amba ku muxima uê, uixi: Izuua ia thambi ia phaietu ia zukama; phange iami Jakobo, kiene kiua ki ngi mu jibha.

II Malunda 28:17

Mukonda ue akua Idumeia, eza ue ia a lu Juda, ia ambata jihutile (o jikuikile) ku ubhika.

Jisálamu 109:29

Ene oso a ngi balukilʼó, a zuate kujingunuka, jisonhi jâ ji a vungine kala dibeka dia di futu.

Jisálamu 132:18

Nguma jê ngi ji zuika jisonhi ni kusebuka; o muene-phe kitundu kiê ki kala mu luendela.

Jisálamu 137:7

U Jihova, lembalala kia zuela anʼa Edomo kizuua kia buika Jeluzaleme, exi: Sengulula muene, sengululenu, Jeluzaleme i bhue-bhu katé ku mavu.

Jisálamu 69:7

Mukonda eme nga bongo malebhu, mu ku ku dielela eie; nga sonoka muene pholo mukonda dia jisonhi.

Jisálamu 89:45

O izuua iê ia unzangala ua i selula; ua mu kuatesa jisonhi, ua sebuka ni muene! (Selah.)

Jisabhu 10:6

Mabesá ma tula ku mútue ua muthu uaiuka; maji o dikanu dia athu a bhumu diezala ni usuéia.

Jisabhu 17:5

Muthu uoso u tobhesa ngadiama, ua lokalala uoso ua mu bhanga; muthu uoso u sanguluka mukonda dia mukuá ua bhituka mu jiphaxi ja zongo, muenhʼô sai kaxtiku kê.

Jelemiia 12:14

Jihova uambe kiki, ku mbandu ia nzukame jami joso ja ibha a mu bhunda o undundu uami, u nga lunduisa o mundu uami ua Izalaiele: Talesa, nganda ku a vuza moxi iâ, o dibhata dia Juda hadia ngi di vuza muʼaxaxi kâ.

Jelemiia 3:25

Tua xalela mu jisonhi jetu; a tu vungina kuala o kavuanza ketu, mbata Jihova Nzambi ietu tua mu te kituxi, nʼetu ni adietu, tundé mu undenge uetu katé mu kizuua kia lelu; etu tua fulu ku bhana matui ku dízui dia Jihova Nzambi ietu.

Jelemiia 49:13

Mukonda nga di lokela eme-muene-muène, eme ngi Jihova, kuila Bozola ua kà di bhanga kima ki kakukisa, ni lusebu, ni dibuikilu, ni kisunji; o jimbnonge jê joso ja kà di bhanga jingundu ji nangenena.

Jelemiia 51:51

Mua kà kiʼamba, kuila: Sonhi ja tu kuata muene mukonda tua sebuluka; pholo ia tuʼizala jisonhi, mbata kueza akua jixi jengi mu mabhezelu a kola a inzu ia Jihova.

Kuditenda 4:21

Eie-phe, monʼa kilumba kia Edomo, ua tungu mʼoxi ia Uze, tana-ku, u sanguluke! Dikáu-ze hádia dia-nda kubhiẋila ue kokué, hinu-phe ukodiua na-diu anga u di vungununʼê eʼmuene-muène hé u xala tuẋi.

Kuditenda 4:22

O kaxtiku ka kikuma kié, eie monʼa kilumba kia Ziione, mu bhua mu kala, kuma ka tenena kiá; Nzambi muene nuka dingi a kà tona ku ku balakala ku ubhika. Kala kiki, muene hinu uiza kuibhula o ikuma ié, eie u kilumba kia Edomo; muene ua-nda ku ku tungununa o ituxi ié ioso.

Izekiiele 35:9

Nga-nda ku ku bhanga u dibuikilu di nangenena, o mu jimbanza jé ki mungu dingi mua kà tunga muthu; kienhiki kiene ki mua kà kʼijiia kuila emeʼeme ngi Jihova.

Izekiiele 7:18

Anga a ka di-kuta jisaku, o kiteketela kia kà a vungina; o ku jipholo joso kua kà kala jisonhi, o mu mítue ioso mabhaia.

Jouele 3:19

Ijitu ua kà kituka disengulukilu, Idomo ua kà di bhanga kikangalakata ki bhekela ngùnzu, mukonda dia usuéia ua bhange ku anʼa Juda, kua bhingi ni mʼoxi iâ muene mua zunzumuina o manhinga a iú ka bhange kima kioso-kioso.

Amoji 1:11

Jihova uambe kiki: Idomo kia tondala lutatu ni luuana, kibetu kiê ki ngi mu katula na-kiu; mbata phangʼiê ua mu zuididika ni xibhata, henda ioso ia undandu ngué na-iu; njinda iê i jiza ni ku sanujuna ku mivu ni mivu, o kuluuala kuê ki kuene mbambe.

Mikeia 7:10

O kienhiki nguma iami ia muhatu anga ua kà ki mona, jisonhi anga ja kà mu kuata muene. Kuma uene mu ku ngʼibhula, uixi: O Jihova, Nzambi ié, uala kuebhi? Mesu mami-phe ma kà mu mona ia a mu diota-diota kala malôua mu nzunga.

Matendelelu 23:7

Mukua Edomo kana ku mu zemba, ku mu mone uthu uengi, mbata phangʼié; mukua Ijito ue ku mu suekele pholo, kuma ua ku zalelele kiá mʼoxi iê.

Matendelelu 23:8

Alaula âene, a-nda kuvuala ku muiji ua katatu, hádia mu a ehela kubhiẋila jinga bhu kionge kia Jihova.