Nzuá 9:39 - O Mikanda Ikola

³⁹ Jezú anga u zuela, uixi: Eme ngeza mu ngongʼ umu mù fundisa; phala oso ala ifôfo, ka mono, a mone; o oso a mu mona, a biluke ifôfo.

Nzuá 9:39 ပူးပေါင်းရင်းမြစ်များ

Izaía 29:10

Mbata Jihova ua mu lunduluila nzumbi ia kilu kia muioko-ioko; o jipolofeta ja di bhange ene o mesu menu, a a jika; ni ilôlo ienu, akua-lumono, kiòmuene.

Izaía 44:18

Kejiia kima, kene ku tongolola; kuma ua a xiti mesu, a lémbue kumona, ni miẋima iâ ue, a lémbue o kuijiia.

Izaía 6:9

Bheneʼobho muene uixi: Ndé muene, uambela mundu iú, o kuívua muivenunu, anga mu tokoka o kuijiia; o kumona mu monenunu muene, anga mu tokoka o kutongolola.

Izekiiele 12:2

Monʼa muthu, eie ua tungu mu kaxi ka dibhata dia ximika, diala ni mesu a kumona maji kumona lémbue, diala ni mátui a kuívua maji kuívua lémbue; mukonda diala dibhata dia xinuka.

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.

Matesu 6:23

O diesu-phe se dia ku iibha, mukutu ué uoso u kala muavundu. Kienhiki mukengeji ua ku kala moxi se uala kitombe, kuvunda kuenhoko kuahi ngó!

Luka 1:79

Ni kumuikina oso a xikama mu kuvunda kua kizenji kia kalunga; mbé o kuendesa inama ietu mu njila ia kutululuka.

Luka 13:30

Talenu-phe, sai-ku kiki iá a sukinina, hádia a kà dianga; sai-ku kiki iá a dianga, hadia a kà sukinina.

Luka 2:34

Ximinhá anga u mu benzela, hé uambela Madiia, manhiʼâ, uixi: Monʼóze Nzambi ua mu solo phala kukala ubhulukilu ni kusenguluka kua athu andumba mu Izalaiele. Mona iú ua-ndu kala kijimbuete kia Nzambi ki kuatesa jiphata ku athu avulu.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Luka 7:21

Kumbi dienhódio Jezú u saka mauhaxi mavulu, ni mabhebhu ni nzumbi jaiibha; avulu afu mesu u a bhana o kumona.

Nzuá 12:31

O kithangana kia kufundisa o mundu iú, kieza-bhu kiá. O sobha ia mundu iú a-nda ku mu kaia.

Nzuá 12:46

Eme ngeza kuma ngi mukengeji mu ngongo, phala uoso u ngi xikana, ka kale dingi mua vundu.

Nzuá 3:17

Mukonda Nzambi ka tumikisa Monʼ ê mu ngongo mù kuêlesa o mundu, maji ua mu tumikisa mu ku u bhana muenhu.

Nzuá 3:19

O kuêla kuenhuku: O mukengeji ueza mu ngongo, maji athu-phe a beta kuzola o kitombe, mukengeji ua a kala ndenge, mukonda ima iâ ia bhanga iaiibha.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Nzuá 8:15

Enu mu fundisa mu phangu ia muthu mu xitu. Maji eme ki ngi fundisa muthu.

Nzuá 9:25

Kuala muène: Se mukua-ituxi, eme ki ngi kʼijiia. Ngʼejiia kima kimoxi: Nga kexile ngi kifofo, kiki-phe ngala kumona!

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

II Kolindo 2:16

Phala ió a texika, di kala dizumba diaiibha, di bhekela kalunga. Phala iá a bhuluka, di kala dizumba di nuha kiambote, di bhekela muenhu. Uila kiki, nanhi uala ni kutena kua ku bhanga o kikalakalu kiki?

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

II Tesalonika 2:10

Muène ua kà bhanga mangonha moso, phala kuxômba athu oso anda kutexika. Ene-phe anda kutexika, mukonda nguâ kutambulula o muẋima ua kubhindamena o kidi, ki tena ku a bhulula.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

I Nzuá 2:11

O uoso-phe u zemba phangʼiê, uala mua vundu, uenda mu kitombe, kejiia kuoso ku a di tela, mukonda o usuku ua mu fuisa o mesu.