Nzuá 9:34 - O Mikanda Ikola

³⁴ Ene a mu vutuila, exi: Eie u muthu a ku vualela mu nzungule ia ituxi, ua-nda ku tu longa etu? Mu dilombe anga a mu kaiesa-mu.

Nzuá 9:34 ပူးပေါင်းရင်းမြစ်များ

Dimatekenu 19:9

Ene-phe a mu ambela, exi: Tunda bhabha. Exi dingi: Ialʼú o nzuángiza ueza mu tunga, kiki uandala u kala muene kiá muadiakimi u batula maka mu ima ioso, kuambé? Kindala tu ku bhanga ioso i tua mesena, i tuambe kubhanga ió i kala ndenge. Lote anga a mu kaka masuka, a mu bhaka bhu kaẋi, a di xina-xina phala kubula o dibhitu.

II Malunda 25:16

Kiosuʼiki hanji polofeta iu u mu zuelela, muene u vutula, uixi; Eie a ku te phala kubhana kaiula kua sobha? Dixibhe! Phalaʼhi a ku kuama ngó? Polofeta anga u dixibha, maji, uixi: Nga ki mono muene, kuila Jihova ua te kiá hundu ia ku ku sengulula; mukonda dia kiki ki ua bhange; eie ua ditunu kubhana mátui ku kaiula kami.

Jobe 14:4

Nanhi u katula kima kia zele, mu dixidilu? Ki bhuala muthu!

Jobe 25:4

Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?

Jisálamu 51:5

Tala-ze, eme a ngi vualela mu lusebu; mu ituxi kiá mua ngʼimitina mamʼetu.

Makatukilu 2:14

Kuala muene: Eie nanhi ua ku bhange u kilamba kietu, u mufundixi ua ku tu tambula etu konda? Ua mesena ku ngi jibha, kala ki ua jibha mukua Ijitu mazá? Mozé anga u kala ni uoma, uixi: Manhi ni kidi kiene, kia fumana kiá.

Jisabhu 22:10

Semenhi mu kaie, phala mvunda isuke; kuma muene ki aia, ni mulonga uabhu; ni kusonoka o pholo ue kuabhuku.

Jisabhu 26:12

Eie ua mono muthu ua di fika njimu ku mesu mê muene? Muenhó, sembele o kiôua u mu dielela dikue muene.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 65:5

aia ni ku di ambela mudiâ, exi-phe: Suetuka koko, ku ngi zukame, mukonda eme nga beta kuzela moxi eie ndenge. Enhá a di-bhange dixi mu mazulu mami, edi kala túbhia tua uama kumbi dioso dia kambàmba.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Luka 11:45

Bhenhobho, mesene imoxi ia Kitumu, anga u kumbulula Jezú, uixi: Mesene, mu kuzuela kiki, ua tu âmbe ue ni etu.

Luka 14:11

Mukonda uoso u di zangula, a mu tulula; o uoso-phe u di tolesa, a mu zangula.

Luka 18:17

Kidi muene ngi mi ambela: Uoso u kamba kutambulula o Utminu ua Nzambi kala kamona ka ndenge, ka kà mona-mu kididi.

Luka 6:22

Mua zediua, athu se a mi zembe, a mi katula mu ukamba uâ, a mi lebhula, a mi texi dijina dienu kuma exi mu athu aiibha, mukonda dia Monʼa Muthu.

Nzuá 6:37

Oso a ngi bhana kuala Tata, a-ndu kuiza ko-kuami. Uoso-phe ueza ko-kuami, eme ki ngi mu texi, lémbua!

Nzuá 8:41

Enu mua mu bhanga o ikalakalu ia tatʼ enu. Exi: Etu ki tuala tu anʼ a undumbu, kana! Tuala ni tata iumoxi ngó, muene Nzambi.

Nzuá 9:2

Jixibulu jê anga a mu ibhudisa, exi: Mesene, phala-hi muthu iú a mu vuala kifofo? Nanhi uate kituxi? Muène ua te kituxi, inga o jitata jê a te kituxi?

Nzuá 9:22

Tatʼâ ni mamʼâ a zuela kiki, mukonda dia uôma ua Jijudé. Kuma Jijudé ja tele kiá kikutu kuila, uoso u fisala kuma Jezú muène Kristu, mʼonzo ia kusambela Nzambi, a mu kaiesa-mu.

Nzuá 9:35

Jezú ki evu kuma muthu ió mʼonzo ia kusambela Nzambi a mu kaiesa-mu, u takana-nê, hé u mu ambela, uixi: Eie ua xikana o Monʼa Nzambi?

Nzuá 9:40

Jifalizeu jala-nê bhenhobho, kia zuela kiki, exi: Kífua uambe kuma etu tu ifuôfuo, kuambe?

I Kolindo 5:13

Athu-phe ku kanga, Nzambi muene ua kà a fundisa. Kala ki ambe o Madivulu a Nzambi: Muthu ió ua bhukumuka mu tubhudienu mudienu.

Ngalásia 2:15

Etu a tu vuala tu Jijudé, ki tuala tu akua ituxi kala o matumbu, ki Jijudé. Maji-phe tua kʼ ijiia ue kuila muthu ka tena kulungila mu kubhanga imbamba ia Kitumu, kikale u lungila mu kuxikana Jezú Kristu.

Efezo 2:3

Ni kidi-phe, etu ene oso muene mu tua nhunganena jinga mu jihanji ja xitu, ni kubhanga o jivondadi ja xitu ni ja muẋima. Mu kieniiki o kikexilu kietu ki kala kia anʼ a njinda, mu kutambula o kaxtiku ka Nzambi, mukuâ ni athu ene oso.

I Phetele 5:5

Enu mu minzangala ue kiene, beleselenu adiakime. Katé ni enʼuenu oso di kutienu o kubatama kua ku di bhikila mudienu, kuma o Mikanda ia Ngana, iambe iexi: Nzambi u bhânga ni akua izala, u bhana-phe ujitu oso a batâma.

III Nzuá 1:10

Kienʼ iki, se ngaii-ku, nga kà mu lembalesa o ima iê ioso iene mù bhanga, ni kusabhula kuê kua phulu, kua ku tu balukila etu, ni makutu ene mù tanga. O kieniokio-phe ngó, ki kia mu soko, maji uate-ku dingi o kudituna kutambulula jiphange joso jiia koko. Se bhu kata muthu uambe ku a tambulula, muène ka ki ehela; o muenʼ ió u mu kaia mu Ngeleja!

III Nzuá 1:9

Eme nga sonekena o Ngeleja tu maka tuofele. Diiotelefo-phe, uendi o ukota mudiâ, ka tu tambulula.

Dijingunuinu 13:17

O uoso uambe kusumba mba kusumbisa, kikale u dianga kukala ni kidimbu kia dijina dia kiama, mba o númelu ia dijina diê.