Nzuá 9:22 - O Mikanda Ikola

²² Tatʼâ ni mamʼâ a zuela kiki, mukonda dia uôma ua Jijudé. Kuma Jijudé ja tele kiá kikutu kuila, uoso u fisala kuma Jezú muène Kristu, mʼonzo ia kusambela Nzambi, a mu kaiesa-mu.

Nzuá 9:22 ပူးပေါင်းရင်းမြစ်များ

Jisabhu 29:25

O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Izaía 57:11

Mukuahi ua ku kuatele uôma mba hele? Kia ku bhekela ku-ta o makutu, nʼukambe ku ngi lembalala, né ngó ku ngi ta mu muẋima ué? O kudixibha kuami tundé okulu, kiene-ze ki ua kambela ku ngi xila, ki kiene?

Luka 6:22

Mua zediua, athu se a mi zembe, a mi katula mu ukamba uâ, a mi lebhula, a mi texi dijina dienu kuma exi mu athu aiibha, mukonda dia Monʼa Muthu.

Nzuá 1:19

Iú uene umbangi ua Nzuá, kioso Jijudé ku Jeluzaleme ki ja tumine jinganga ni jilevita ku mu ibhudisa, exi: Eie nanhi?

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 19:38

Kia bhiti kiki, Zuze, mukua Limateia, u bhinga Pilatu phala a mu ehele kuambata o kimbi kia Jezú. (Zuze muène ua kexile xibulu ia Jezú, maji ka di tukuluile mukonda dia uôma ua Jijudé). Pilatu anga u mu ehela, o Zuze hé uia u katula o kimbi kia Jezú.

Nzuá 20:19

Kutula mu ngoloxi, kizuua kia Lumingu kienhiki, o kizuua kiadianga kia semana, kuila mabhitu a ma jika bhu kididi bhuala o jixibulu, mukonda dia uôma ua Jijudé, Jezú uiza, uimana mu ʼaxaxe kâ, hé ua ambela, uixi: O uembu u kale ni enu!

Nzuá 7:13

Kana muthu-phe ua mu tumbula ni kubhuma, mukonda dia uôma ua adiakime a Jijudé.

Nzuá 9:18

Jijudé-phe ki ja xikana luua kuma muène a mu vuala kifofo, lelu iu uala kumona, katé kia tumu kuixana tatʼâ ni mamʼâ.

Nzuá 9:21

Maji ki tua kʼijiia-phe kioso kiala kumona kindala, mba uoso ua mu jikula o mesu. Mu ibhudisienu muène. Uala kiá ni kitala, muène a di tange kioso kia mu bhiti.

Nzuá 9:34

Ene a mu vutuila, exi: Eie u muthu a ku vualela mu nzungule ia ituxi, ua-nda ku tu longa etu? Mu dilombe anga a mu kaiesa-mu.

Nzuá 9:35

Jezú ki evu kuma muthu ió mʼonzo ia kusambela Nzambi a mu kaiesa-mu, u takana-nê, hé u mu ambela, uixi: Eie ua xikana o Monʼa Nzambi?

Jipoxolo 4:18

Ene anga a exana, hé a a tendelela, exi: Ki mi kale lumoxi! Kana kutanga mba kulonga mu dijina dia Jezú!

Jipoxolo 5:13

Athu amukuâ-phe ku kanga dia kibuka kiâ, ka ki bhumina dingi o ku di banda mu kisangela kiâ. Maji o mundu-phe a kala mu ku a tumbula kiambote.

Jipoxolo 5:40

O ki exana Jipoxolo, a a bhesa jixikote, hé a a kidika exi kana kuzuela mu dijina dia Jezú, anga a eha.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.