Nzuá 9:16 - O Mikanda Ikola

¹⁶ Jifalizeu jamukuá, jexi: Muthu ió ua bhange kiki, ka tundu kua Nzambi, mukonda o Sábhalu ka i aiuka. Amukuá, exi: Mukua-ituxi utena kiebhi, kubhanga madiuanu kala iá? Anga a di uanuna mudiâ.

Nzuá 9:16 ပူးပေါင်းရင်းမြစ်များ

Matesu 12:10

Anga a mu ibhula, exi: O kusaka muthu mu kizuua kia sábhalu ki kôla mu Kitumu kietu, inga kana? Ienhiʼ ii ndunge iâ ia ku mu tatela.

Matesu 12:2

Jifalizeu-phe kia ki mono, a mu ambela, exi: Talesa, jixibulu jé jí bhanga kimbamba kikôla mu Kitumu ku ki bhanga kia sábhalu!

Luka 13:14

Dikota dia dilombe-phe, u futuluka, mukonda Jezú ua sake kia Sábhalu. Anga uambela o kifuẋi, uixi: Sai izuua isamanu ia tokala o kukalakala. Iene izuua i muiza jinga, nʼa mi sake. Mu kizuua kia Sábhalu, kana.

Nzuá 10:19

Bhenhobho, kioso ki evu kiki, Jijudé ja uanunuka dingi mukonda dia maka mê.

Nzuá 14:11

Ngi xikanienu, kuma eme ngene mua Tata, o Tata uene mo muami. Xikanenu mukonda dia ikalakalu iíi i nga mu bhanga.

Nzuá 15:24

Eme se nga kambele kubhanga mu ʼaxaxe kâ o ikalakalu iíi, kana muthu luua a i bhanga, keju kala ni kituxi. Maji kala kiki-phe, a i mono, ia a jiji ni ku ngi zemba, ni ku zemba ue Tata iami!

Nzuá 2:11

Jezú ua bhange kidiuanuʼiki, kia dianga, mu Kaná ka Ngalileia. Mu kubhanga kiki, ua tukulula o ungana uê, o jixibulu jê anga ji mu xikana.

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 5:10

Jijudé anga jʼambela iú ueluka, exi: Lelu kia Sábhalu. Mu Kitumu kietu, lelu ki kôla kuambata o hama ié.

Nzuá 5:36

Maji eme sai hanji umbangi u ngala na-u, ua tundu o umbangi ua ngi bhela Nzuá—o ikalakalu i ngi bhanga. Mbata o ikalakalu ia ngi bhana Tata kubhanga, iene ia beta ku ngi bhela umbangi, mukonda iene ia mu lombolola kuila o Tata muene ua ngi tumikisa.

Nzuá 6:52

Jijudé bhenhobho ji di kuata mudiâ, exi: Muthu iú ua-ndu tu bhana kiebhi o mukutu uê ni tu u di?

Nzuá 7:12

Mu kifuẋi anga mu kala kufueta kuavulu mukonda diê. Amoxi exi: Muene muthu uambote; amukuá exi: Kana, muène ua-lu tondalesa o mundu.

Nzuá 7:23

Se muthu u tambula o kusaia mu kizuua kia Sábhalu, mukonda dia uôma ua kutondala o Kitumu kia Mozé, phala-hi mua ngi kuatela njinda, mukonda Eme nga bhana muthu ku di sanza mu kizuua kia Sábhalu?

Nzuá 7:43

Bhenhobho kifuẋi kia uanunuka mukonda dia Jezú.

Nzuá 9:24

Bhenhobho jifalizeu jʼixana lua kaiadi o muthu ua kexile kifofo, anga a mu ambela, exi: Fumanesa Nzambi. Etu tuejiia kuma muthu ió mukua-ituxi.

Jipoxolo 14:4

O mu mbonge o mundu ua akua bhata anga u muangunuka. Ia a di bande ku Jijudé, ia a di bande ku jipoxolo.