Nzuá 8:51 - O Mikanda Ikola

⁵¹ Kidi kiene ngi mi ambela: Se muthu uaiuka o maka mami, kà monʼ ê dingi kalunga.

Nzuá 8:51 ပူးပေါင်းရင်းမြစ်များ

Jisálamu 89:48

Dizonda diebhi, di laia phala kafue dingi? nanhi u sukununa o muenhu uê bhu maku a kalunga-ka-ngombe? (Selah.)

Matesu 16:28

Ngi mi ambela kidi, emana bhabha, sai-bhu ni iá ka kà lola kalunga, katé kia kà mona o Monʼa Muthu uala kuiza mu ungana uê.

Luka 2:26

Muène-phe a mu ijidisa-kiu kuala Nzumbi Ikôla, kuma ka-nda kúfua katé kia mona Mesiia, Kristu ia Ngana.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 15:20

Lembalalenu o maka u nga mi ambela, ngixi: Mubhika ka tundu ngana iê. Se a ngi zukutisa eme, enu uenu a mi zukutisa; se aiuka maka mami, enu a mi aiuka ue o maka menu.

Nzuá 17:6

Eme nga tukulula o dijina dié ku athu u ua ngi bhana-nâ mu ʼaxaxe ka mundu. Ene a kexile é, eie ua ngi bhana-nâ. Ene a bhake o maka mé;

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Nzuá 6:50

Mbolo iii-phe, ia tuluka mu diulu, se muthu u i dia, ka fuê dingi.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Nzuá 8:52

Jijudé ji mu ambela, exi: Kiki tuejiia kiá kuma eie uala muene ni dimonho! Mbalahamu ua-fua, jipolofeta ja-fua, eie-phe uixi: Muthu uoso uaiuka o maka mami, kà monʼ ê kalunga!

Nzuá 8:55

Eme-phe nga mu ijiia. Se ngambele kuma ki nga mu ijiia, ngeju kala ngi mukua makutu, kala enu. Eme-phe nga mu ijiia, eme ngʼ aiuka o maka mê.

Jihebeleu 11:5

O mu kuxikana, Enoko a mu ambata sé kumona kalunga. Anga ubhua athu ku mesu kuma Nzambi ua mu ambata sé muthu dingi ku mu mona, mukonda Nzambi muène ua mu ambata. O Mikanda Ikôla i ambe kuma kioso kiluua a mu ambata, muène ua kexi mukua kuxila kiambote Nzambi.

Jihebeleu 2:9

Etu-phe tua mono Jezú! A mu bhangele kathangana ku kala ndenge ia ji-anju, phala mu kiadi kia Nzambi a lole kalunga mu mulonga ua mundu uoso. Kiki-phe tua mu mono kuila mukonda dia phaxi ia bhiti na-iu, a mu zuika kitundu kia fuma ni ujitu.