Nzuá 8:47 - O Mikanda Ikola

⁴⁷ Muthu uoso ua tokala Nzambi, uívua o maka ma Nzambi. Enu kiene ki mua kambela ku mʼ evua, mukonda Nzambi ki mua mu tokala.

Nzuá 8:47 ပူးပေါင်းရင်းမြစ်များ

Daniiele 12:10

Athu avulu a kà a bhuisa o dixidilu dioso, a kà a zelesa, ni ku a teza; maji akua phulu a kà jijila kubhanga dingi phulu mu phulu iene, kuma akua phulu né ngó umoxi ka kà tena kutetuluka; maji oso ala jinjimu, kia kà a tetulukila muene.

Nzuá 12:48

Uoso ua ngi di tunu, ua kambe kutambulula o maka mami, sai uoso u mu êlesa. Maka mami moso u nga tange, ene a ka mu êlesa mu kizuua kia kà suka-ku.

Nzuá 18:37

Pilatu ua mu ambela, uixi: U sobha-phe! Inga kiebhi? Jezú ua vutula, uixi: Kiene! Eie-muène ua mu ki tanga, kuila ngi sobha. Eme o kuzuela o kidi, kiene kia ngi vualela, kiene ue ki ngʼejiia mu ngongo. Uoso ua xikana o kidi, uívua dízui diami.

Nzuá 5:25

Kidi, kidi, ngi mi ambela: Kumbi dí diza, o diene dia bhixila kiá, dia afi kuívua o dízui dia Monʼ a Nzambi. Oso-phe a dʼivua, a phaphumuka hé a laia.

Nzuá 6:65

Uixi: Kiene ki nga mi ambelela-kiu, ngixi: Kana muthu u tena kuiza ko kuami, se a kamba ku mu bheka kuala Tata.

Nzuá 8:37

Eme ngejiia muene kuma mu akua muiji ua Mbalahamu, maji enu-phe mua bhindamena ku ngi jibha, mukonda o maka mami ki ma mono kididi moxi dienu.

Nzuá 8:43

Enu-phe, mua kambela-hi kuívua o uzuelelu uami? Mukonda maka mami nguenu ku a evua.

Nzuá 8:45

Eme-phe mukonda nga zuela kidi, enu ki mu ngi xikana.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

I Nzuá 5:1

Uoso u xikana kuma Jezú muène Kristu ió muthu a mu vuala kua Nzambi. Uoso-phe u zola o tata ua vuala, u zola ue ni mona a mu vuala kuala o tata ienhoio.

II Nzuá 1:9

Uoso ua somboloka, ua kambe kuimana mu ulongelu ua Kristu, Nzambi kala-nê. Uoso-phe uemana mu ulongelu ua Kristu, muenʼió uala ni Tata, ni Mona.

III Nzuá 1:11

Kamba diami, mukuetu, kana kufikisa phulu, inda o kufikisa mbote. Uoso u bhanga mbote, muène mukua Nzambi; o uoso u bhanga phulu, ió kala kumona Nzambi.