Nzuá 8:39 - O Mikanda Ikola

³⁹ Ene anga a mu vutuila, exi: Etu o tatʼ etu, Mbalahamu! Jezú uixi: Enu se mua kexile mu anʼ a Mbalahamu, hinu mueju bhanga o ikalakalu ia Mbalahamu.

Nzuá 8:39 ပူးပေါင်းရင်းမြစ်များ

Matesu 3:9

Kana kukala mu kuila moxi dienu, muixi: Etu tuavu tatʼ etu Mbalahamu. Kuma ngi mi tangela-kiu kuila Nzambi ua soko-bhu kubhanga matadiʼ ama ni ma kituka ana Mbalahamu.

Matesu 5:45

Nda mu kale mu anʼa Tata ienu uene mu diulu. Kuma muène mukua kubhangesa dikumbi diê di bandela athu abhukumuka ni athu ambote, u tumikisa mvula ni kua ia aiuka ni ku ísueia.

Nzuá 8:33

Ene a mu vutuila, exi: Etu tu akua muiji ua Mbalahamu, kiluua tu kala tu abhika a muthu. Eie uala kuila kiebhi kuma, mu kala ni ufolo?

Nzuá 8:37

Eme ngejiia muene kuma mu akua muiji ua Mbalahamu, maji enu-phe mua bhindamena ku ngi jibha, mukonda o maka mami ki ma mono kididi moxi dienu.

Nzuá 8:43

Enu-phe, mua kambela-hi kuívua o uzuelelu uami? Mukonda maka mami nguenu ku a evua.

Nzuá 8:56

Tatʼ enu Mbalahamu, ua tanene ni ngalasa mukonda dia kumona o kizuua kiami. Muène ua ki muene, iú ua sanguluka!

Loma 4:12

A kale ue tata ia ene oso akua kifua kia kusaia. Ki mukonda ngó dia kuila a a saie, maji mukonda a kaiela ue mu manhanhu ma kuxikana kuoso kua kexile na-ku Mbalahamu, thembuʼ oio kuila hanji iú-uê ku kanga, kiluua a mu saia.

Loma 4:16

Mukonda dia kiki, kueza o kuxikana, o kikutu kia polomesa ia Nzambi ni ki naminina ku kuxikana phala ni ki kuate, ni ki kale kia kiadi ku luvualu lua Mbalahamu, Kuma o polomesa ki i tokala ngó a mu kualuka o Kitumu, maji ni ió ue oso a xikana mukuâ ni kia xikanene Mbalahamu. Mukonda mu Nzumbi muene tata ia etu-ene oso.

Loma 9:7

Sumbala ene oso luvalu lua Mbalahamu, maji ene oso ki anʼ a Nzambi. Mukonda Nzambi uambelele Mbalahamu, uixi: Anʼ a Izake ene ngó à kèxana kuma luvalu luê.

Ngalásia 3:29

O ki kala enu oso mua tokala Kristu, muala mu mbutu ia Mbalahamu; mu ibinganu ia polomesa ia bhele Nzambi kua Mbalahamu.

Ngalásia 3:7

Kala kiki, ijiienu-kiu kuma, oso akua kuxikana, ene anʼ a Mbalahamu.