Nzuá 8:36 - O Mikanda Ikola

³⁶ O Mona se ua mi bhana ufolo, mu kala ni ufolo ua kidi.

Nzuá 8:36 ပူးပေါင်းရင်းမြစ်များ

Jisálamu 119:133

Ngʼendese o makanda mami mu njila ia maka mé; kana dingi kituxi ni ki ngi tolola.

Jisálamu 119:32

Uendelu ua itumu ié, ngi u kuata muene ni lusolo, kioso, eie Ngana, ki u ngi kudisa o muẋima moxi. He

Jisálamu 19:13

Selevende ié, Ngana, mu fudise o kubhuma kua izala; o ima ia ku di zangeleka ki iende ni ku ngi tumina; phala ngʼimane nzanza ni kulunga, mbé ki ngi kale ni kituxi kia dikota kokué.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

I Kolindo 7:22

Kuma uoso a mu ixana kuala Ngana mu ubhika muala, ua biluka fôlo ia ngene ia Ngana. Kiene ue kimoxi o muthu uala fôlo a mu ixana kuala Kristu, uala mubhikʼ a ngene a Kristu.

II Kolindo 3:17

Mu kibatuʼiki kia Mikanda Ikôla, o bhuambe exi Ngana, a tange o Nzumbi ia Nzambi. O bhuoso-phe bhu kala o Nzumbi ia Ngana, bhu kala ufolo.

Ngalásia 5:1

Jezú Kristu ua tu jituna, phala tu kale mu kidi tu jifôlo. Uila kiki, Emanenu-phe mu ufolo uenʼ iú, kana kusukamena dingi mu ophe ia ubhika.