Nzuá 8:34 - O Mikanda Ikola

³⁴ Jezú u a vutuila, uixi: Kidi kiene, ngi mi ambela: Uoso u ta kituxi, muène mubhika ua ituxi.

Nzuá 8:34 ပူးပေါင်းရင်းမြစ်များ

I Jisobha 21:25

Kana-ku-phe muthu ua sokela ni Akabe, mu ku di sumbisa mu kubhanga kiaiibha ku mesu ma Ngana kala muene, mukonda dia mukajʼê Jezabele, ua kexile ku mu funhisa jinga kubhanga kiaiibha.

Jisabhu 5:22

O muthu ua bhumu-ze, ikuma iê iene ia-nda ku mu kuika; a mu kuta muene ni mikolo ia ituxi iê-muène.

Matesu 5:18

Mbata ngi mi tangela o kidi, katé bhua ka jimukina o diulu ni ixi, kana ngó kujimuka kapondo mba kama kosokoso kòfele ku Kitumu, katé bhua ka tenena o ima ioso.

Nzuá 3:3

Jezú ua mu tambuijila, uixi: Kidi, kidi, ngi ku ambela: Muthu se ua kambe ku mu vuala lua mukuá, ka tena kumona mu Mbanza ia Nzambi.

Jipoxolo 8:23

Kuma nga ku mono uezala mu luimbi, luimbi luedi kala ndululu mu kulula, eie uafu mu múkala ua ituxi.

Loma 6:12

Mukonda dia kiki, ki mu ehele ituxi ni i kale ku mi tumina mu mukutu uenu iú uejiia kufua phala ni mu kale mú tumaka o maluimbi mê.

Loma 6:16

Mukonda mua kʼijiia kuma kuoso ku mua di bhakula mu kubhika, muala mu abhika a muthu muenʼió uoso mua mu belesela. Kiene enu ue, kikale ituxi mua i bhikila ni mu fu, mba kikale o kutumaka Nzambi, ni a mi xikine ni mu kale mu athu mua iuka.

Loma 6:6

Kuma tua kʼ ijiia kuamba o muthu Uòkulu a mu batelele kiá ku dikulusu kumoxi ni Kristu, phala o mukutu uetu ua ituxi u jime, mbé ki tu kale dingi mú bhikila o ituxi.

Loma 7:14

Kuma etu tuejiia kuila o Kitumu kima kia nzumbi. Maji eme-phe ngi muthu ua kufua, a ngi sumbisa ku ituxi.

Loma 7:25

Nga sakidila-phe Nzambi, kuma sai-ku kubhanduluka mua Jezú Kristu, Ngana ietu! Ki tualʼ iki-phe ngedi kiki: Ni kilunji kiami, kidi muene, nga mu bhikila o Kitumu kia Nzambi; maji o kikexilu kia xitu iami-phe, kia mu bhikila o kitumu kia ituxi.

Loma 8:21

Mukonda ni ibhangelu ioso hadia ia kà jituka ku ubhika ua kubola, hé ia kà bokona mu ufolo ua fuma, ua anʼ a Nzambi.

Efezo 2:2

Mu thembuʼ omo enu muene mu mua kexile mù kuendela kala ki tuma ngana ioio iavu o utuminu uê mu dimbinza muene o nzumbi kindala iala moxi dia ana abhukumuka, a kamba kutumaka Nzambi.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

II Phetele 2:19

A dielelesa ufolo ku akuá, manhi ene ala abhika a ifua iabolo. Kuma muthu kioso ki mu lenda, kiene kima ki mu bhikisa.