Nzuá 8:29 - O Mikanda Ikola

²⁹ Uoso ua ngi tumu, uala ni eme. Muène ka ngi xisa kʼ ubheka, mukonda eme ngi bhanga jinga ioso ia mu uabhela muène.

Nzuá 8:29 ပူးပေါင်းရင်းမြစ်များ

Izaía 42:1

Talesenu, selevende iami iú, nga mu fikidila eme, muthu uami nga mu solo, ua ngi uabhela ku muẋima; Nzumbi iami nga i te ku thandu diê; muene ua kà fundisa mu kidi akua matumbu.

Izaía 42:21

Jihova ua mu zolela ngó mukonda dia henda ia kuiuka kuê; ua mu jingisila ku kitumu, iú ua mu fumanesa.

Izaía 42:6

Eme ngi Jihova, nga ku ixana mu kuiuka kuami, nga-nda ku ku kuata mu lukuaku, anga ngi ku bhaka, hé ngi ku bhana u kale u kikutu kia akua jixi joso ni u kale u mukengeji ua akua-matumbu.

Matesu 17:5

Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!

Matesu 3:15

Jezú-phe u mu vutuila, uixi: Ngehele hanji kiosuʼiki; kuma kiene kia tu fuama kubhanga, mu ku kumbidila ioso iaiuka. Bhenhobho Nzuá ua mu ehela.

Matesu 3:17

Tala, bhenhobho ni dízui di tunda mu diulu, dixi: Muenhú Monʼ ami a kazola, ua ngi uabhela kiambote.

Nzuá 14:31

Maji phala o mundu u ijiie kuma eme nga zola Tata, o kioso kia ngi tumu muène, Eme kiene ki ngi bhanga. Balumukenu, tuie ku kanga!

Nzuá 15:10

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

Nzuá 16:32

Talesenu-phe, kumbi dia bhixila kiá, dia kuila enu oso mu muangana, kala muthu ku mbandu iê, eme hé mu ngi xa ubheka uami. Maji ki ngala-phe ubheka, mukonda Tata uala ni eme.

Nzuá 17:4

Eme nga ku jingisa Eie mu ngongo, eme nga zubha o kikalakalu ki ua ngi bhana kubhanga.

Nzuá 4:34

Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.

Nzuá 5:30

Jezú anga u kala dingi mu ku a tangela, uixi: Eme kʼ ubheka uami, ki ngi tena kubhanga kima, ki kala ki ngʼívua kua Tata, kiene ki ngi fundisa. O kufundisa kuami-phe kua kidi, mukonda ki nga-lu sota kubhanga vondadi iami, maji o vondadi ia ió ua ngi tumu.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

Nzuá 8:16

Eme se ngi fundisa, o kufundisa kuami kukala kua kidi, mukonda ki ngala ubheka, kuma Tata uoso ua ngi tumu, uala ni eme.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

II Timote 4:22

Ngana Jezú Kristu, akale ni nzumbi ié. O kiadi kia Ngana Nzambi ki kale ni enu oso koko.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

I Nzuá 2:1

Tuana tuami, tata, nga mi sonekena imʼiii phala ki mu te ituxi. Se bhu kala muthu-phe u ta kituxi, sai Mubhângedi uetu kua Tata, Jezú Kristu, Muthu ua kuiuka.

I Nzuá 3:22

O ioso ue i tu bhinga kua muène, tu i tambula mukonda tu aiuka o ijila iê, etu tua mu bhanga o ima ioso ia mu uabhela muène.