Nzuá 8:21 - O Mikanda Ikola

²¹ Muène anga ua ambela dingi, uixi: Eme sai ku ngiia, enu mua-ndu ngi sota, hé mu fua-phe mu ituxi ienu. Kuoso ku ngiia, enu ki mu tena kuizaku.

Nzuá 8:21 ပူးပေါင်းရင်းမြစ်များ

I Jisobha 18:10

Ngana Nzambi ié, kuene kuala! Kuma o ngana iami Akabe, ka xile tumbu ni muiji mba ungana, hé u kamba kutuma-ku athu mu ku ku sota eie; anga akuaʼxi, ki ela: Kunu kala-ku, muene u lokesa o miji mba o maungana enhó, se ni kidi muene ka ku mono.

Jobe 20:11

Né-mbe hanji o ifuba iâ izala ni nguzu ia unzangala uâ, hanji-phe nguzu iâ a kà zeka na-iu muene mu fufutila ia mavu.

Jisabhu 11:7

Mukua phulu se uafu, kudielela kuê kuoso kua suku; mukua mangonha-phe kudielela kuê, kudi-fula.

Jisabhu 14:32

Kisuéia, o usuéia uê uene ua-nda ku mu kakula; maji o muthu Uaiuka-phe, katé ni mu kúfua kuê, hanji sai kia dielela.

Izaía 65:20

Ki muà kala dingi mona u laia ngó izuua iófele, mba muadiakimi u kamba kuzubha o izuua iê; mbata o munzangala ua kà fuila mu kitala kia hama ia mivu; maji o mukua-ituxi né u kala ni hamʼa mivu, a kà mu bhubhidila muene.

Matesu 23:39

Kuma ngi mi ambela: Tunde kiki, ki mu ngi mono dingi, katé bhuoso bhu mua kèla: A tane-ku uoso uiza mu dijina dia Ngana.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Nzuá 12:33

(O kiki ua ki zuela, mù kuidikiza o kalunga koso ka-nda kúfua muène.)

Nzuá 12:35

Jezú ua ambela, uixi: Kithangana Kiofele kiki, hanji muala ni mukengeji, mu ʼaxaxe kenu. Endenu kiá kioso ki muala ni mukengeji; mienhu ienu i lunge muenhomo, phala o usuku ki u mi kuate. Kuma uoso uenda mʼ usuku, kejiia kuoso ku a lunga.

Nzuá 13:33

Enu tuana tuami, ki nga-ndu kala dingi ni enu kithangana kiavulu. Enu mua-ndu ngi sota, maji kindala ngi mi tangela, kala-phe ki nga tangela kiá Jijudé, ngixi: Enu ki mu tena kuiza kuoso ku ngiia, kiene ue ku nga mi tangela enu.

Nzuá 7:34

Enu mua-ndu ngi sota, maji ki mua-ndu ngi sanga, mukonda kuoso ku ngiia, enu ki mu tena kuizaku.

Nzuá 7:36

Mba muène uambe kiebhi, uixi: Enu muandu ngi sota, maji ki mua-ndu ngi mona; mukonda kuoso ku ngiia, enu ki mu tena kuiza-ku.

Nzuá 8:24

Kiene ki nga ki zuelela kuma muandʼ ufua mu ituxi ienu. Mbata se mua kambe ku ngi xikana eme, muandʼ ufua mu ituxi ienu.

Efezo 2:1

Mʼukulu enu mua kexile mu afi mu nzumbi mukonda dia kuxibhaka kuenu kua Nzambi ni mukonda ue dia ituxi ienu.