Nzuá 8:20 - O Mikanda Ikola

²⁰ Jezú ua tange makʼ ama, kioso kia kala mù longa mu Tembulu, bhua lulama ni bhu kididi kia kofidi. Kana muthu-phe ua mu kuata, mukonda kumbi diê kiluua di bhixila.

Nzuá 8:20 ပူးပေါင်းရင်းမြစ်များ

I Malunda 9:26

Mukonda ku ufunu ió iakexile jinge kiuana kia alangidi, akua Levi, akexile ni kikalakalu kia kulanga o maxilu ni malundilu a jimbongo ja inzo ia Nzambi.

Matesu 26:55

Kithanganʼokio Jezú anga u ambela o mundu eza mu ku mu kuta, uixi: Kífua enu mua tundu ni jixibhata ni jimbangala mu ku ngi kuata, kala ngi kifumbe? Nga xikamene izuua ioso mu Tembulu ni kulonga, maji ki mua ngi kuata.

Matesu 27:6

Jinganga ja makota anga ji katula itadi ia phalata, exi: Mu Kitumu kietu, ku ki ta mu kofidi ki kôla, kuma kia sumbu manhinga.

Marku 12:41

Jezú anga u xikama bha lulama ni bhu dizaku. He u kala mu talesa o mundu ki ala kuta kitadi mu dizaku. Anga kukala ni jimvuama javulu, atamu ndumba dia kitadi.

Marku 12:43

Muene anga uixana jixibulu je, uixi: Kidi kiene ngi mi ambela: Kota kia te-mu o muhatu iu, mutudi ua ngadiama, ene oso ndenge, a te kitadi mu dizaku.

Luka 20:19

O jimesene ja kulonga o Kitumu ni makota ma jinganga, anga a sota ku mu ta maku kumbi dienhódio, maji ala ni uôma ua mundu, mukonda a mono kuma kifika kiki ua a tela-kiu ene.

Luka 21:1

Jezú anga u kala mù tongolola kia mu bhanga athu mu Tembulu. U bhetula mesu, anga u mona jimvuama jala mù ta kitadi mu dizaku dia Tembulu.

Nzuá 10:39

Ene anga a sota dingi ku mu kuata, maji muène-phe u a bhita bhu maku, anga u-iê.

Nzuá 2:4

Jezú ua mu vutuila, uixi: Muhatu, ki ku bhingi eie u ngi longa kioso ki nga fuama o kubhanga. Kumbi diami kiluua di bhixila.

Nzuá 7:14

Ku bhixila mu kaxi ka fesa-phe, Jezú u banda mu Tembulu, hé u kala mù longa.

Nzuá 7:30

Ene anga a sota ku mu kuata, maji kana muthu ua mu te lúkuaku, mukonda kumbi diê kiluua di bhixila.

Nzuá 7:44

Amoxi-mu eji ku mu kuata, maji kana muthu ua mu te maku.

Nzuá 7:8

Bandenu enu ku fesa; Eme kindalʼ iki, ki ngi íi-ku, mukonda kumbi diami kiluua di bhixila.

Nzuá 8:2

Muène kia xikama, u kala mu ku a longa.

Nzuá 8:59

Ene a bonga matadi ma ku mu takula, maji Jezú-phe u di sueka, anga u tunda mu Tembulu.