Nzuá 8:19 - O Mikanda Ikola

¹⁹ Ene exi: Tatʼ enu uala kuebhi? Jezú uixi: Eme-muène ki mu ngʼijiia, ni Tata iami ue ki mu mu ijiia. Mukonda se mua ngʼijidile eme, mueji kuijiia ue Tata iami.

Nzuá 8:19 ပူးပေါင်းရင်းမြစ်များ

Jelemiia 22:16

Kia kexi, o hukunhu ni phulungu u a zokela o mvunda; ua bongele-phe ujitu; abha ki kuene o ku ngijiiʼoko? Eme ngi Jihova.

Jelemiia 24:7

Anga ngʼa bhana muẋima phala nʼa ngʼijiia, mbata eme ngi Jihova; ene a kà kala mundu uami, eme nga kà kala ngi Nzambi iâ; mbata a kà bilukila kokuami ni muẋima uâ uoso ua muvimba.

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Nzuá 1:10

Muène Diambu ua kexile mu ngongo, o Nzambi mundu ua u bhangela mua muène, maji o mundu-phe ki ua mu ijiia.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 15:21

Ene a mi bhanga ima ioso iíi mukonda dia dijina diami, mukonda Ió ua ngi tumu, ka mu ijiia.

Nzuá 16:3

A kà bhanga imʼiíi, mukonda Tata ka mu ijiia, eme uami ka ngʼijiia.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 7:28

Bhenhobho Jezú, kioso kiala kulonga mu Tembulu, u di kola, uixi: O kuila enu mua ngʼijiia muene kiambote, muejiia ku nga tundu? Ki eme-phe nga di katula, sai ua ngi tumu mukua kidi, enu ki mu mu ijiia.

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

Ngalásia 4:9

Maji o kikiphe, ki mueza mú kuijiia Nzambi,— mba inda ngedi Nzambi ku mʼ ijiia enu,—phala-hi mu alukila dingi ku jinguzu ja jinzumbiʼ ojo ja kubhuila, ja uadiama, ji mua mesena mu kutuka dingi mu ubhika uê?

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

Kolose 1:15

Kristu muene kidifua kia moneka ku mesu, kia Nzambi ua kambe kumoneka ku mesu. Muène o thungunu, uala ku thandu dia ima ioso iobhange.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

I Nzuá 2:23

Mbata uoso u dituna o Mona, muenhó ua ditunu ue ni Tata. O uoso u xikana o Mona, ni Tata uala-nê.

I Nzuá 5:20

Tua kʼijiia ue kuila Monʼa Nzambi ueza kiá, iú ua tu bhana kilunji, phala ió, o Nzambi ia kidi, tu mu ijiie. Kiki mienhu ietu iala mu ukamba ni Muène, o Nzambi ia kidi, kumoxi ni Jezú Kristu, Monʼê. Kienhiki ki kala o Nzambi ia kidi, kienhiki ki kala ue o muenhu ki uàbhua.

II Nzuá 1:9

Uoso ua somboloka, ua kambe kuimana mu ulongelu ua Kristu, Nzambi kala-nê. Uoso-phe uemana mu ulongelu ua Kristu, muenʼió uala ni Tata, ni Mona.