Nzuá 8:17 - O Mikanda Ikola

¹⁷ Kiene ki ambe mu Kitumu kienu, exi: Mbangi jiiadi, se ji zuela kiene kimoxi, umbangi uâ ua kidi.

Nzuá 8:17 ပူးပေါင်းရင်းမြစ်များ

I Jisobha 21:10

Anga mu mu bhekela anʼaiadi a Kadiaphemba ku pholo iê, hé ene a mu tetela umbangi ua makutu, exi: Eie ua ẋonguena Nzambi ni sobha; ni mu tubhuka-nê bhu kanga dia mbonge, anga mu mu bûba ni matadi katé ua fu.

Dialuilu 35:30

Uoso u jibha mukuâ kiluelu, kijibhanganga, a mu jibhila mu kuzuela kua jimbangi; mbangi imoxi-phe ki i tena kubjibhisa muthu mu umbangi uê.

Matesu 18:16

Kia kamba-phe ku kuívua, katula dingi kiiadi mba kitatu, phale u bhange kala kia tange o Mikanda ia Ngana, kuila: Kutetulula maka moso, kikale ma tetulukila mu kanu dia mbangi jiiadi mba jitatu.

Nzuá 10:34

Jezú uixi: Manhi mu Kitumu kienu, ka ki soneka-mu, exi: Nzambi uedi: Enu mu jinzambi?

Nzuá 15:25

Oko a ki bhange-phe mu kubhitisa o maka mòsoneke mu Kitumu kiâ, ma kuila: Ene a ngi zembe sé kikuma.

II Kolindo 13:1

Tatu kiabhʼú kukala mu kuia kuenioko ku mi kunda. Kala ki ambe o Mikanda Ikôla kuma: Mulonga uoso-uoso ki bhinga a u kuatesa ku kizuelu kia mbangi jiiadi mba jitatu.

Ngalásia 3:24

Uila kiki, o Kitumu kifua kia biluka kiledi kietu ki tu tambula konda katé bhuoso bhu ijila Kristu, mbé Nzambi a tene ku tu xikinina mu kuxikana.

Ngalásia 4:21

Ngi tangedienu hanji kima kimoxi, enu mua mesena mu kala dingi mu ubhika ua Kitumu, o Kitumu muala ku kʼ ivua kiebhi?

Matendelelu 17:6

Muthu-phe ku mu jibha kiki, ki kale mulonga uê ukala ni mbangi jiiadi mba jitatu; kana kujibha muthu mu kanu dia mbangi imoxi.

Matendelelu 19:15

O ki bhu kala kituxi mba unzangi, mba mulonga uoso-uoso, kana kuívua mbangi imoxi i balumuka mu kutatela muthu; inda mu kanu dia mbangi jiiadi, mba mu kanu dia jitatu, muene mua xikikila o maka oso.

Jihebeleu 10:28

Uoso u xibhaka o Kitumu kia Mozé, a mu jibha sé ngó kulenduka, mu kizuelu kia mbangi jiiadi mba jitatu.

I Nzuá 5:9

Etu tuene mu xikana o umbangi ua athu, maji o umbangi ua Nzambi phe uala kota mu nguzu. O umbangi ua Nzambi uenhú, uene-phe ua bhela Monʼê.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.