Nzuá 8:14 - O Mikanda Ikola

¹⁴ Jezú u a vutuila, uixi: Sumbala nga di bhela umbangi Eme-muène, umbangi uami ua kidi. Kuma eme ngejiia ku nga tundu, ni ku giia, maji enu-phe ni ku nga tundu, ni ku ngiia, ki muejiia-ku.

Nzuá 8:14 ပူးပေါင်းရင်းမြစ်များ

Jisabhu 8:7

Mbata dikanu diami di tanga o kidi, mizumbu iami ia di-zemba ni uzuelelu ua kubhuma.

Dialuilu 12:3

Mozé-phe ua kexi muthu ua xididika, athu oso mu ngongo ndenge.

Nzuá 10:15

Eme-phe o jimbudi ngi ji bhela o muenhu uami bhu kididi.

Nzuá 10:36

Eme-phe o Tata muène ua ngi solo iu ua ngi tumikisa mu ngongo. Abha-phe enu mua mu ki zuelela-hi kuila eme nga mu ẋonguena Nzambi kioso ki ngi mi tangela kuila eme ngi Monʼê?

Nzuá 13:3

Jezú uejiia kuma Tata ua mu bhana o kutena kuoso bhu maku mê. Uejiia ue kuma muène ua tundu kua Nzambi, o kua Nzambi kuene kiá kua-nda kuia.

Nzuá 14:10

Eie Filipe, ku xikana kuma eme ngala mua Tata, o Tata uala mo muami? Jezú anga uambela o jixibulu joso, uixi: Maka moso nga-lu mi ambela, ki eme nga di zuelela-u. Tata-phe ua ngi kala moxi, muène ua mu bhanga o ikalakalu iê.

Nzuá 16:28

Nga tundile kua Tata, eme ngeza mu ngongo. O kiki-phe ngi xa mu ngongo, hé ngiia kua Tata.

Nzuá 17:8

Mbata eme nga a bhana o maka oso u ua ngi bhele, o ene a ma tambulula, ia a kʼijiia kidi kuma eme nga tundu ko kué. Ene a xikana, kuma eie ua ngi tumu.

Nzuá 18:37

Pilatu ua mu ambela, uixi: U sobha-phe! Inga kiebhi? Jezú ua vutula, uixi: Kiene! Eie-muène ua mu ki tanga, kuila ngi sobha. Eme o kuzuela o kidi, kiene kia ngi vualela, kiene ue ki ngʼejiia mu ngongo. Uoso ua xikana o kidi, uívua dízui diami.

Nzuá 5:31

Se eme-muene ngi di bhela umbangi, umbangi uami ki ua kidi.

Nzuá 8:42

Kuala Jezú: Se Nzambi ua kexile Tata ienu, enu mueju ngi zola eme, mukonda kua Nzambi kuene ku nga tundu. Ki eme ngó nga dʼ ijila, maji Nzambi muène ua ngi tumu.

II Kolindo 11:31

Nzambi Tata ia Ngana ietu Jezú, a mu ximana katé ku hadia ni hadia, ua kʼijiia kuila ki ngi tange makutu.

II Kolindo 12:11

Eme nga zuela kala ngi semenhi, enu-enu-phe mua ngi bhinjika o ku ki bhanga. Nga fuamene enu mu ngi ximana. Kuma jipoxolo jojo ja tundu akuʼâ, ki ja ngi tundu ni kima, sumbala ki ngi kima.

II Kolindo 12:19

Enu mua mu fika kuma etu tua mu di lungisa bhu pholo ienu. Ki ki xikina! Tua zuela kala kia tu tumu Kristu, bhu pholo ia Nzambi. Ima ioso-phe i tu bhanga, enu akuetu, ia ku mi kuatekesa.

Dijingunuinu 1:5

ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 3:14

O Anjo ia Ngeleja ia Laodiseia, mu sonekene kiki: Eme Amén, mbangi ia fiiele ia kidi, muène o dimatekenu dia imbamba ioso ia bhanga Nzambi, uambe kiki: