Nzuá 7:7 - O Mikanda Ikola

⁷ Mundu ki u tena ku mi zemba enu, maji ua ngi zembe eme, mukonda ngi mbangi, ngixi ikalakalu iâ iaiibha.

Nzuá 7:7 ပူးပေါင်းရင်းမြစ်များ

I Jisobha 21:20

Anga Akabe uambela Elija, uixi: Kiebhi nguma iami, ua ngi bongo kiá? Kuala muene: Nga ku bongo muene! Mbata eie ua di sumbisa kiá mu kubhanga kiaiibha ku mesu ma Ngana.

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

Jisálamu 109:5

Mu mbote i nga a bhange, ene a ngi vutuila phulu; ua a zolo, ene a mu zembe.

Jisabhu 15:12

Semenhi ua di-zemba ni uoso u mu bazela; muene ka xikina kubhiẋila bhuoso bhuala o jinjimu.

Jisabhu 8:36

Maji uoso u ngi ta kituxi, ua kakula o muenhu uê muene; kuma ene oso a ngi zemba eme, andala kalunga, ala mu kenga kúfua.

Izaía 29:21

ni oso a uabhela kutuika mulonga ku muthu mu diba dimoxi ngó, a sota o ndunge ia kukuata oso a a bazela bhu muelu; o muthu uaiuka a sota kioso kia mu uanuna mu dianda diâ, sè kikuma.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Jelemiia 20:8

Kuma ngala kuila o ki ngi zuela, ngi di kola; ngi ta nzongo: Usuéia ni kibuika; mbata maka ma Jihova, ma di bhange dilebhu phala eme, ala ku ngi tela-nâ muondo kumbi dioso dia kambamba.

Ijila 13:10

o nganga a mu tale. O kia mona kuila sai dife dia mu zalala ku kikonda kia xitu iê, diexi muene phéé, anga kindemba ue kizeluluka-bhu, hé bhuila kala jixitu ja beta kuboba-bhu,

Zakadiia 11:8

Anga ngi jimisa o abidi ene oso kitatu mu mbeji imoxi, kuma o muenhu uami ua bhondalala mukonda dia ene, o ene uâ eme a ngi kumine kiá ku mienhu iâ.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Luka 6:26

Lamba dienu, athu oso se a mi tumbula kiambote, mbata jitata jâ kiene ue ki ja kexi kutumbula o jipolofeta ja makutu!

Nzuá 17:14

Nga a bhana o maka mé. O mundu-phe ua a zembe, mukonda ene ka tokala mu mundu, mukuâ ni eme ki ngi tokala-mu.

Nzuá 3:19

O kuêla kuenhuku: O mukengeji ueza mu ngongo, maji athu-phe a beta kuzola o kitombe, mukengeji ua a kala ndenge, mukonda ima iâ ia bhanga iaiibha.

Loma 8:7

Uila kiki, o muthu u di zemba ni Nzambi, kioso o kilunji kiê kia kala mù ki tumina kuala o kikexilu kia xitu. Mukonda ka xikina kubelesela Kitumu kia Nzambi, ni kidi muène, ka tena ku ki belesela.

Ngalásia 4:16

Manhi kiki nga di bhange ngi nguma ienu, mu ku mi tangela o kidi?

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

I Nzuá 4:5

O polofetʼ ʼojo ja makutu, ji zuela ima ia mu ngongo, o mundu mu ngongo ua evua, kuma ene a tokala ku mundu.