Nzuá 7:39 - O Mikanda Ikola

³⁹ Mu kuzuela kiki, Jezú ua kexi mú tanga o Nzumbi, a-ndu mu tambula kuala oso a mu xikana. Mbata ene o Nzumbi ka mu tambuile luua, mukonda Jezú kiluua a tambula o ungana.

Nzuá 7:39 ပူးပေါင်းရင်းမြစ်များ

Jisálamu 68:18

Eie ki ua bande bhuluʼèlele, ni mu diendu dié ubhika ua u katula-mu eie ua u ambata kuma hutile ié i ua kutu; ni mahitula mé, ua ma tambula muʼaxaxi ka athu; katé ni iá a xibhakele, a xikina kiá kuila, Jihova Nzambi a tunge muʼaxaxi kâ.

Jisabhu 1:23

O ki nga mi bazelʼiki, lungulukenu kiá; talesa, ngi lundulula o Nzumbi iami ku thandu dienu, anga ngi mi ijidisa o maka mami.

Izaía 12:3

O enu-phe, ni kusanguluka kuoso, mua-nda kua kà teka menha mu jifiẋi ja kubhuluka.

Izaía 32:15

katé o Nzumbi i tunda bhulu kia kà di-lundulula ku thandu dietu; mu kizuuʼokio, oxi ia kisèkele ia-nda kubiluka mavu a idima, o mukáu uene mu kubhana o idima a kà u kita ditutu.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Jouele 2:28

Kieneʼokio-phe anga kia kà bhita kuila, nga kà lunduluila o Nzumbi iami ku thandu dia xitu ioso, anʼenu a mala ni anʼenu a ahatu a kà zambula; o ikulakaji ienu a kànjiua jinzoji, minzangala ienu a kà mona isuma.

Matesu 16:14

Kuala ene: Amoxi exi: Nzuá dia Batizu; amoxi, exi: Elija; amukuá exi: Jelemiia, mba muthu ku jipolofeta.

Matesu 21:11

Kuala mundu, exi: Muène polofeta, Jezú mukua Nazalé ku Ngalileia.

Luka 24:49

Talenu, nga-nda ku mi tumikisa o kikanenu kia Tata. Xikamenu-phe mu mbanza mumu, katé kia mi zuika ni nguzu i tunda bhulu.

Luka 3:16

Nzuá hé u a vutuila osomuene, uixi: eme nga mi batizala ni menha, maji kù kuiza muthu ua ngi tundu, eme ki nga fuama ku mu jituina ngó o ngoji ia haii iê. Muène u mi batizala ni Nzumbi Ikôla ni túbhia.

Luka 7:16

Uôma anga u a kuata ene oso, a kala mu tondela Nzambi, exi: Mueza polofeta ia dikota mu ʼaxaxe ketu! Nzambi a tane-ku! Ua zungila o kifuẋi kiê!

Nzuá 1:21

Ene anga a mu ibhudisa dingi, exi: Tuila-phe kiebhi? Manhi eie Elija? Uixi: Kana! Ki eme. Exi: Eie polofetʼoio tuene ku mu kinga? Uixi: Kana.

Nzuá 1:25

Anga a mu ibhudisa dingi, exi: Ihi-phe ia ku bhangesa kubatizala, se eie, ki eie u Kristu, ki eie Elija, ki eie u polofetʼoio tuene ku mu kinga?

Nzuá 1:33

Eme-mùene ue ki ngi mu ijidile, maji o Nzambi, uoso-phe ua ngi tumu kubatizala ni menha, muène ua ngʼ ambela, uixi: Uoso uà mu mona, Nzumbi i tuluka mu diulu, anga i mu tula ku thandu diê, muène u batizala ni Nzumbi Ikôla.

Nzuá 12:16

Mu kithanganʼokio, imʼiíi jixibulu jê ka ʼijidile luua. Maji kia zubha Jezú kutambula ungana uê, mu kufukunuka ku ʼalunga, ene kiene kiua kia lembalala kuma imʼiíi a mu soneka-iu mʼ okulukulu, ene ue iene ima ia mu bhangele.

Nzuá 12:23

Bhenhobho jezú ua kumbulula, uixi: Kumbi dia bhixila dia Monʼa Muthu kutambula o ungana.

Nzuá 14:13

Ioso i mu bhinga kua Tata mu dijina diami, eme ngi i bhanga, mbé Tata nʼ a tambule o fuma kua Mona.

Nzuá 14:26

Maji o Mukuatekexi ió-phe, muène muène Nzumbi Ikôla, a-ndu mu tumikisa kuala Tata mu dijina diami, muène u mi longa ima ioso, hé u mi lembalesa ima ioso i nga mi ambela.

Nzuá 16:14

Muène u ngi jingisa eme, mukonda ua kà katula ko kuami ioso i nga mesena kuzuela, nʼ a mi tudila enu.

Nzuá 16:7

Né-mbé-phe kiene, nga mi ambela kidi: Enu mu beta kubhanduluka se eme ngaii. Mukonda, eme se nga kambe kuia, o Mukuatekexi ió kʼ eza luua ku muala. Maji eme-phe se ngaii, ngi mu tumikisa ko kuenu.

Nzuá 17:1

Kia zubha kuzuela ima iíi, Jezú u bhetula mesu bhulu, uixi: Tata, kumbi dieza-bhu kiá. Jingisa Monʼ é, o Monʼ é nʼ a ku jingise eie.

Nzuá 17:5

Tata iami! Kiki-phe ngi jingise eie-muène ni kijingu, ki nga kexile na-kiu mʼ okulu ni eie, kuila mu ngongo kiluua mu di bhanga.

Nzuá 20:22

O kia zuela kiki, u bhusa ku thandu diâ, uixi: Tambulenu o Nzumbi Ikôla!

Nzuá 6:14

Athu kia zubha kumona o kidiuanu kia bhange Jezú, exi: Kidi kiene! Iú muene polofeta a kexi ku mu kinga mu ngongo!

Nzuá 7:12

Mu kifuẋi anga mu kala kufueta kuavulu mukonda diê. Amoxi exi: Muene muthu uambote; amukuá exi: Kana, muène ua-lu tondalesa o mundu.

Nzuá 8:54

Jezú u vutula, uixi: Eme se nga di jingisa eme-muène, kijingu kiami kia ngoho. Tata iami muène ua mu ngi jingisa, ió enu mua mu tange enu kuma Nzambi ienu, maji ki mua mu ijiia.

Jipoxolo 19:2

Anga ua ambela, uixi: Enu mua tambula kiá Nzumbi Ikôla tunde ki mua xikana? Ene exi: Kana! Etu kiluua ngó tu kʼ ivua kuila sai-ku Nzumbi Ikôla.

Jipoxolo 2:17

Talesenu, Nzambi uambe: Mu izuua ia kà suka-ku, nga kà bhanga kiki: Nga kà lundulula o Nzumbi iami ku thandu dia athu oso. Anʼ enu a mala ni anʼenu a ahatu a kà tanga o maka mami. Minzangala ienu ia kà mona isumua, o adiakimi enu a kʼ ànjiua jinzoji.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Jipoxolo 2:38

Kuala Phetele: Dielenu, nda a mi batizale enʼ uenu oso, mu dijina dia Jezú Kristu, phala o ituxi ienu a mi loloke-iu, anga mu tambula kua Tata o ujitu ua Nzumbi Ikôla.

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Loma 8:9

Enu-phe ki muala dingi mù laia kala ki ambe o kikexilu kia xitu, maji kala kiandala o Nzumbi ia Nzambi, se ni kidi kiene o Nzumbi ia Nzambi ua tungu moxi dienu. Muthu-phe se ua kambe o Nzumbi ia Kristu, ka mu tokala muène.

II Kolindo 3:8

Se-phe o Kitumu kia tokala kubheka ngó kalunga, kieza ni kubenha kua kikalakalu kia Nzumbi ia Nzambi!

Efezo 4:30

Kana kubheka malamba kua Nzumbi Ikôla ia Nzambi. Kuma o Nzumbi muene o kidimbu kia kuila o Nzambi uala momuenu; muène ue o diẋikina dia kuila Kizuua kí bhixila kia Nzambi ku mi kula.