Nzuá 7:30 - O Mikanda Ikola

³⁰ Ene anga a sota ku mu kuata, maji kana muthu ua mu te lúkuaku, mukonda kumbi diê kiluua di bhixila.

Nzuá 7:30 ပူးပေါင်းရင်းမြစ်များ

Jisálamu 76:10

Mbata ni kidi kiene, eie o njinda ia muthu i biluka diximanu dié; o ia subhuka-bhu eie u i sukika.

Izaía 46:10

ngi mukua kutanga o dizubhilu tundé kiá bhu dimatekenu, tundé mu xiahulu muná ngi tanga ima kiluua iiza-ku; ngixi: Phangu iami inangenena, ngenda ni kubhanga vondadi iami ioso;

Matesu 12:14

Jifalizeu anga ji katuka, aia ku mu tela kionge kia kioso kianda ku mu jibha.

Matesu 21:46

Anga a sota ku mu kuata, maji a lengesa o ifuẋi, kuma mundu ua mu tambulula kuila Jezú polofeta.

Marku 11:18

O makota ma jinganga ni jimesene ja kulonga o Kitumu a kʼívua, anga a kala mu ku mu kanena kioso kia mu jibha, mukonda a mu kuatela uoma, mbata o mundu uoso a mu diuana ulongelu ue.

Luka 20:19

O jimesene ja kulonga o Kitumu ni makota ma jinganga, anga a sota ku mu ta maku kumbi dienhódio, maji ala ni uôma ua mundu, mukonda a mono kuma kifika kiki ua a tela-kiu ene.

Luka 22:53

Izuua ioso, eme i nga kexile kumoxi ni enu mu Tembulu, enu ki mu ngi tula maku. Maji o didi, kumbi dienu kiá, ni dia kusuina kua kitombe.

Nzuá 10:31

Jijudé bhenhobho anga a bonga matadi ma ku mu jibha na-u.

Nzuá 10:39

Ene anga a sota dingi ku mu kuata, maji muène-phe u a bhita bhu maku, anga u-iê.

Nzuá 11:57

O makota ma jinganga-phe, ni jifalizeu, a bhele ngonge kuma se bhuala muthu ua mu ijiia bhuoso bhuala, a mu tukulule, ene ni a mu kuate.

Nzuá 7:19

Abha ki Mozé ua mi bhana o Kitumu? Kana muthu-phe mudienu ua mu tumaka o Kitumu. Enu-phe, mua-lu sotela-hi ku ngi jibha?

Nzuá 7:32

Jifalizeu jevu athu mu kifuẋi ala mu ku di fuetela imʼiíi; makota ma jinganga ni jifalizeu, anga a tuma-ku masoladi ku mu kuika.

Nzuá 7:6

Jezú anga ua ambela, uixi: Kumbi diami kiluua di bhixila. Maji o kumbi dienu-phe ki di bhinga dingi ku di kinga. Mukonda enu kumbi dioso-dioso, dienu.

Nzuá 7:8

Bandenu enu ku fesa; Eme kindalʼ iki, ki ngi íi-ku, mukonda kumbi diami kiluua di bhixila.

Nzuá 8:20

Jezú ua tange makʼ ama, kioso kia kala mù longa mu Tembulu, bhua lulama ni bhu kididi kia kofidi. Kana muthu-phe ua mu kuata, mukonda kumbi diê kiluua di bhixila.

Nzuá 8:37

Eme ngejiia muene kuma mu akua muiji ua Mbalahamu, maji enu-phe mua bhindamena ku ngi jibha, mukonda o maka mami ki ma mono kididi moxi dienu.

Nzuá 8:59

Ene a bonga matadi ma ku mu takula, maji Jezú-phe u di sueka, anga u tunda mu Tembulu.

Nzuá 9:4

Kioso ki kuala hanji muanha, kia ngi bhingi kubhanga o ikalakalu ia ió ua ngi tumu. Mukonda usuku iú uiza, mua bhingi kana muthu utena kukalakala-mu.