Nzuá 7:28 - O Mikanda Ikola

²⁸ Bhenhobho Jezú, kioso kiala kulonga mu Tembulu, u di kola, uixi: O kuila enu mua ngʼijiia muene kiambote, muejiia ku nga tundu? Ki eme-phe nga di katula, sai ua ngi tumu mukua kidi, enu ki mu mu ijiia.

Nzuá 7:28 ပူးပေါင်းရင်းမြစ်များ

Jisálamu 9:10

Oso a ku ijiia o dijina, eie muene u Jihova a ku dielela; kuma, eie Jihova, ku muthu ua kukakula oso a ku kana.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Jelemiia 9:6

Eie-phe ua tungu muʼaxaxi ka mangonha; o mu mangonha mâ a di tunuʼâ muene ku ngʼijiia, Jihova ua ki tange.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Hozeia 5:4

Ngua-uâ kuiukisa o ikalakalu iâ phala nʼa vutukile kua Nzambi iâ; mbata o nzumbi ia undumbu iene iala muaxaxi kâ, o Jihova a tokoka ku mu ijiia.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 2:23

Hé uiza, u tunga mu sanzala a ʼixana Nazalé phala ki bhite kia tangele polofeta, kuila a ka mu ixana kuma mukua Nazalé.

Matesu 26:55

Kithanganʼokio Jezú anga u ambela o mundu eza mu ku mu kuta, uixi: Kífua enu mua tundu ni jixibhata ni jimbangala mu ku ngi kuata, kala ngi kifumbe? Nga xikamene izuua ioso mu Tembulu ni kulonga, maji ki mua ngi kuata.

Luka 10:22

Ima ioso a ngi bhana-iu eme kuala Tata iami. Kana muthu-phe uejiia se Mona mukua-hi; ua muijiia ngó muène Tata. Kana muthu ue uejiia se Tata mukuahi; ua muʼijiia ngó muène Mona, ni ió uoso Mona u sola ku mu tukuluila-nê.

Luka 2:11

Mbata lelu, mu sanzala ia Davidi, a mi vualela-mu Kibhamuenhu, muène Kristu, muène Ngana.

Luka 2:39

O kia zubha kubhanga ioso ia tokala mu Kitumu kia Ngana, Zuze ni Madiia a vutuka ku Ngalileia, mu sanzala iâ ia Nazalé.

Luka 2:4

Zuze anga u tunda mu Ngalileia, mu sanzala ia Nazalé, anga u banda mu Judeia, mu sanzala ia Davidi, a ixana Beleme, mukonda kuene ku bhata diâ.

Luka 2:51

Muène anga u kulumuka-nâ, hé aia mu Nazalé, anga u kala mu ku a tumaka. Manhʼâ, anga u lunda o maka mosoʼ ama ku muẋima uê.

Nzuá 1:46

Kuala Natanaiele: Ku Nazalé, ku tena ue kutunda kima kiambote? Felipe ua mu vutuila, uixi: Zá, u tale.

Nzuá 10:36

Eme-phe o Tata muène ua ngi solo iu ua ngi tumikisa mu ngongo. Abha-phe enu mua mu ki zuelela-hi kuila eme nga mu ẋonguena Nzambi kioso ki ngi mi tangela kuila eme ngi Monʼê?

Nzuá 12:49

Mbata ki eme nga di zuelela; maji Tata ió ua ngi tumu, muène u ngi tangela kioso ki ngi zuela, ni kioso ki ngi longa.

Nzuá 14:10

Eie Filipe, ku xikana kuma eme ngala mua Tata, o Tata uala mo muami? Jezú anga uambela o jixibulu joso, uixi: Maka moso nga-lu mi ambela, ki eme nga di zuelela-u. Tata-phe ua ngi kala moxi, muène ua mu bhanga o ikalakalu iê.

Nzuá 14:31

Maji phala o mundu u ijiie kuma eme nga zola Tata, o kioso kia ngi tumu muène, Eme kiene ki ngi bhanga. Balumukenu, tuie ku kanga!

Nzuá 16:3

A kà bhanga imʼiíi, mukonda Tata ka mu ijiia, eme uami ka ngʼijiia.

Nzuá 17:25

Tata ua iuka! O mundu ki u kuijiia, eme-phe nga kuijiia; enhá ue a kʼ ijiia kuma eie ua ngi tumu.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 3:33

Uoso ua tambula o maka ma umbangi uê, ua londekeza kuma Nzambi kidi.

Nzuá 5:32

Maji sai uengi u ngi bhela umbangi; ngejiia kuma umbangi ua ngi bhela ua kidi.

Nzuá 5:43

Mbata eme ngeza mu dijina dia Tata iami, enu-phe ki mu ngi tambulula. Se muthu uengi uoso-uoso uiza mu dijina diê-muène, muenhó enu muene mu mu tambulula.

Nzuá 6:42

Exi: Muenhú ki muène Jezú, monʼ a Zuze? Etu tua mu ijiia ni tatʼâ ni mamʼâ. Muène ua-lu kuila kiebhi, kuma: Eme nga tuluka mu diulu?

Nzuá 7:14

Ku bhixila mu kaxi ka fesa-phe, Jezú u banda mu Tembulu, hé u kala mù longa.

Nzuá 8:14

Jezú u a vutuila, uixi: Sumbala nga di bhela umbangi Eme-muène, umbangi uami ua kidi. Kuma eme ngejiia ku nga tundu, ni ku giia, maji enu-phe ni ku nga tundu, ni ku ngiia, ki muejiia-ku.

Nzuá 8:16

Eme se ngi fundisa, o kufundisa kuami kukala kua kidi, mukonda ki ngala ubheka, kuma Tata uoso ua ngi tumu, uala ni eme.

Nzuá 8:19

Ene exi: Tatʼ enu uala kuebhi? Jezú uixi: Eme-muène ki mu ngʼijiia, ni Tata iami ue ki mu mu ijiia. Mukonda se mua ngʼijidile eme, mueji kuijiia ue Tata iami.

Nzuá 8:26

Nga tokala ku mi tanga ni ku mi fundisa mu ima iavulu. Maji o ua ngi tumu-phe mukua kidi; o ioso i ngevu kua muène, iene i ngʼ ambela o mundu.

Nzuá 8:42

Kuala Jezú: Se Nzambi ua kexile Tata ienu, enu mueju ngi zola eme, mukonda kua Nzambi kuene ku nga tundu. Ki eme ngó nga dʼ ijila, maji Nzambi muène ua ngi tumu.

Nzuá 9:29

Etu tuejiia kuma Nzambi ua zuelele ni Mozé. Maji iala ió ki tuejiia kuoso kua tundu.

Jipoxolo 17:23

Kuma kioso ki ngi kala mu kubhita mu mbongeʼ umu ni kutalesa ididi ienu ia kubhezela, nga sange ue ni kalatodio kuosoneke kiki: Iolumbile Nzambi tua kambe ku Muijiia. Uila kiki, Nzambi uoso muala ku mu bheza sé ku mu ijiia, muène nga mu mi tangela-nê.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 3:4

Ki ki xikina! Nzambi a kale mukua kidi, né-mbé athu oso a kala akua makutu. Kala kia ki soneka mu Mikanda ia Ngana, exi: Eie phala u lunge ki u zuela mu kufunda, u belese, ki u kuata ku mulonga.

II Kolindo 1:18

Kabasa Nzambi uala fiiele, ua kʼijiia kuma hundu ietu ko kuenu ki ia kuila kiene ni kana:

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.

I Nzuá 5:10

Uoso u xikana Monʼa Nzambi, u kala ni umbangi uenhú moxi diê. Maji uoso ua kambe kuxikana, Nzambi ua mu kuatesa makutu, mukonda ua kambe kuxikana umbangi ua Nzambi ua bhela Monʼê.

I Samuuele 2:12

Anʼa Eli-phe, a mala, anga a sekala kiavulu kuma a kexile anʼa kadiaphemba; a lembua kuijiia ngó Jihova.