Nzuá 7:18 - O Mikanda Ikola

¹⁸ Uoso u di zuela ue muène, ió ua mu sota ku di fumanesa muène. Maji uoso-phe u sota kufumanesa ió ua mu tumu, muenhó mukua kidi, ku muẋima ue ki kuala makutu.

Nzuá 7:18 ပူးပေါင်းရင်းမြစ်များ

Jisabhu 25:27

Muthu kudia uiki ua vulu, ki kia uabha; kiene ue o muthu ku di mona kijingu kié muène, ki ki bheka kijingu.

Dialuilu 11:29

Mozé-phe, uixi: Uala ni dixinga mukonda diami eme? Eme nginda kifuẋi kioso kia Jihova a kale jipolofeta, Jihova nʼa te Nzumbi iê ku thandu diâ.

Matesu 6:9

Kienhiki, mu kusamba kuenu, muila kala kiki: Tata ietu uene mu diulu, dijina dié a dixile.

Nzuá 11:4

Jezú-phe kia kʼivu, uixi: Kukata kuku, ki kukata kua Lázalu kúfua. Kuku kukata kua kufumanesa Nzambi, mbé Monʼ a Nzambi nʼ a tambule-ku fuma.

Nzuá 12:28

Tata, fumanesa o dijina dié! Kithanganʼ okio ku tunda dízui mu diulu, dixi: Nga di fumanesa kiá, hanji ngi di fumanesa jinga.

Nzuá 12:43

Mbata ene ujitu u tunda ku athu ua a kalela kota, o ujitu u tunda kua Nzambi, ndenge.

Nzuá 5:41

Eme ki nga mu sota fuma ku athu. Mukonda enu nga mʼijiia kiambote.

Nzuá 8:54

Jezú u vutula, uixi: Eme se nga di jingisa eme-muène, kijingu kiami kia ngoho. Tata iami muène ua mu ngi jingisa, ió enu mua mu tange enu kuma Nzambi ienu, maji ki mua mu ijiia.

I Tesalonika 2:6

Kiluua tu sota fuma ia ku tu ximana kuala athu, né ko kuenu enu, né ku athu engi. Sumbala se tuambele ku ki bhanga, tuejù tena ku mi nemena ue, kuma tu jipoxolo ja Kristu.

I Phetele 4:11

Uoso u zuela, a zuele kala kia fuama o maka ma Nzambi. O uoso u sedivila, a sedivile ku nguzu ia mu bhana Nzambi. Mu bhanga jinga kienhiki phala Nzambi a fumane mu ima ioso kua Jezú Kristu uavu o fuma ni unéne mu mivu ni mivu sé dizubhilu! Amén.

I Nzuá 2:29

O kiedi muene Kristu mua mu ijiia kuma muthu uaiuka, mu kʼijiia ue kuma uoso u bhanga ima iaiuka, muène muthu a mu vuala kua Nzambi.