Kia bhiti kiki, Zuze, mukua Limateia, u bhinga Pilatu phala a mu ehele kuambata o kimbi kia Jezú. (Zuze muène ua kexile xibulu ia Jezú, maji ka di tukuluile mukonda dia uôma ua Jijudé). Pilatu anga u mu ehela, o Zuze hé uia u katula o kimbi kia Jezú.
Kutula mu ngoloxi, kizuua kia Lumingu kienhiki, o kizuua kiadianga kia semana, kuila mabhitu a ma jika bhu kididi bhuala o jixibulu, mukonda dia uôma ua Jijudé, Jezú uiza, uimana mu ʼaxaxe kâ, hé ua ambela, uixi: O uembu u kale ni enu!
Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.
Tatʼâ ni mamʼâ a zuela kiki, mukonda dia uôma ua Jijudé. Kuma Jijudé ja tele kiá kikutu kuila, uoso u fisala kuma Jezú muène Kristu, mʼonzo ia kusambela Nzambi, a mu kaiesa-mu.
Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.