Nzuá 7:12 - O Mikanda Ikola

¹² Mu kifuẋi anga mu kala kufueta kuavulu mukonda diê. Amoxi exi: Muene muthu uambote; amukuá exi: Kana, muène ua-lu tondalesa o mundu.

Nzuá 7:12 ပူးပေါင်းရင်းမြစ်များ

Matesu 10:25

Kienhiki, o xibulu kabasa i sokela ni mesene iê, o mubhika kabasa u sokela ni ngana iê. Kia lembela muène mukua dibhata diê, a mu ixana, exi: Belezebubu, akua mbèle iê, a kà exana kiebhi?

Matesu 21:46

Anga a sota ku mu kuata, maji a lengesa o ifuẋi, kuma mundu ua mu tambulula kuila Jezú polofeta.

Matesu 27:63

Ngana, etu tua lembalala kuma mukua makutuʼó, kia kexile hanji ku muenhu, ua tangele, uixi: Izuua itatu ki i bhita, nga kà fukunuka.

Luka 18:19

Jezú anga u mu ambela, uixi: Mukonda diahi ua ngʼ ixana ngi muthu ua mbote? Kana-ku dingi muthu ua mbote, kikale umoxi ngó, muène Nzambi.

Luka 23:47

Kabhitangu ka kilômbo kia akua Loma, kia mono kioso kia bhiti, ua ximana Nzambi, uixi: Kidi kiene, muenhú ua kexi muthu uaiuka.

Luka 23:50

Anga kuiza muthu, dijina diê Zuze, muadiakime ua tokala mu Kionge kia Jitata, muthu uambote, uaiuka.

Luka 6:45

Muthu uambote, ku mbote ia mu vudila mu muẋima, u tubhula ima iambote; o kifusa, ku ufusa ua mu vudila mu muẋima, u tubhula ima iaiibha. Mukonda kioso kia vudila ku muẋima, kiene ki tanga o dikanu.

Luka 7:16

Uôma anga u a kuata ene oso, a kala mu tondela Nzambi, exi: Mueza polofeta ia dikota mu ʼaxaxe ketu! Nzambi a tane-ku! Ua zungila o kifuẋi kiê!

Nzuá 6:14

Athu kia zubha kumona o kidiuanu kia bhange Jezú, exi: Kidi kiene! Iú muene polofeta a kexi ku mu kinga mu ngongo!

Nzuá 7:32

Jifalizeu jevu athu mu kifuẋi ala mu ku di fuetela imʼiíi; makota ma jinganga ni jifalizeu, anga a tuma-ku masoladi ku mu kuika.

Nzuá 7:47

Jifalizeu anga ji kumbulula masoladi, exi: O kuila enu uenu ua mi longesa kiá?

Nzuá 7:52

Ene a mu vutuila, exi: Eie ue, u mukua Ngalileia? Tongolola kiambote mu Mikanda Ikôla, u mone kuma mu Ngalileia ki muene kutunda polofeta. [

Nzuá 9:16

Jifalizeu jamukuá, jexi: Muthu ió ua bhange kiki, ka tundu kua Nzambi, mukonda o Sábhalu ka i aiuka. Amukuá, exi: Mukua-ituxi utena kiebhi, kubhanga madiuanu kala iá? Anga a di uanuna mudiâ.

Jipoxolo 11:24

Kuma o Barnabé muene muthu ua mbote uezala Nzumbi Ikôla ni kuxikana. Anga ku di banda athu avulu kua Ngana.

Loma 5:7

Né muthu uaiuka, mukuâ ka moneka kindala u xikina ku mu fuila bhu kididi. Maji se kia bhonzo sai-ku ni iú u xikina kufuila o muthu uambote bhu kididi.

Filipe 2:14

Ima ioso i mu bhanga i kale sé kufunda, mba kukuata kuzoka,