Nzuá 6:57 - O Mikanda Ikola

⁵⁷ Kala eme kia ngi tumu Tata iami uala ni muenhu, eme o muenhu nga u muena kua Tata; kiene ue uoso u ngi dia eme, muenhu u u muena ko-kuami.

Nzuá 6:57 ပူးပေါင်းရင်းမြစ်များ

Jisálamu 18:46

Jihova u kôla; a tane-ku, ditadi diami! a zangalale, Nzambi iami ia kibhamuenhu!

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Matesu 16:16

Kuala Ximá Phetele: Eie u Kristu, Monʼa Nzambi ia muenhu.

Nzuá 14:19

Kua xala ngó kathangana, o mundu ki u ngi mono dingi; enu-phe mu ngi mona. Mukonda eme ngi kala ku muenhu, enu uenu mu kala ni muenhu.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 17:21

O ene oso nʼ a kale umoxi. Tata iami! Mukuâ ni eie ki uala mo muami, eme ngala mo mué, ene ua a kale mo muetu, oso muene a kala umoxi, o mundu phala u xikane kuma eie ua ngi tumu.

Nzuá 3:17

Mukonda Nzambi ka tumikisa Monʼ ê mu ngongo mù kuêlesa o mundu, maji ua mu tumikisa mu ku u bhana muenhu.

Nzuá 5:26

Kala Tata muene, kiedi muène Otho ia muenhu, kiene ue ua bhana Mona kukala ni muenhu moxi, diêmuène.

Nzuá 6:29

Kuala Jezú: O kikalakalu kia Nzambi kienhiki, kuila mu xikana ió uoso muène ua mu tumu.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

I Kolindo 15:22

Uila ene oso kia fuila mua Adá, kiene ue kia phaphumukina ene oso mua Kristu.

I Kolindo 15:45

Mukonda o Mikanda Ikôla, iexi: Adá ia diangele-ku, a mu bhangele mukutu u bhuima. Maji o Adá ia sukidila-ku, Nzumbi i bhana muenhu.

II Kolindo 13:4

Sumbala muène a mu tele ku dikulusu mu kikexilu kia kubhuila, maji iú-uê ku muenhu mu nguzu ia Nzambi. Etu uetu tua bhuila mua muène, maji muandù mona kuma tuala ku muenhu ni Muène mu nguzu ia Nzambi phala ku mi kuatesa enu.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

I Tesalonika 1:9

Kuma ene mudiâ a ki fumanesa kioso etu ki tuende mu kubokona mu ʼaxaxe kenu, ni kioso enu ki mua tu tambulula kiambote, enu mua biluka, muaxi o iteka, enu mua kane o ku di tuma ni Nzambi ia kidi, ia muenhu.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

I Nzuá 4:9

Muene mua tu tukuluila Nzambi o henda iê ia tu kuatela, Nzambi kia katula Monʼê umoxièlele, anga u mu tumikisa mu ngongo, phala etu ni tu mone muenhu kua muène.