Nzuá 6:53 - O Mikanda Ikola

⁵³ Jezú anga u zuela dingi, uixi: Kidi, kidi, ngi mi ambela: Se mu kamba kúdia xitu ia Monʼ a Muthu, se mu kamba kùnua manhinga mê, ki mu tena kukala ni muenhu moxi dienu.

Nzuá 6:53 ပူးပေါင်းရင်းမြစ်များ

Matesu 18:3

Ngi mi ambela kidi, muenhu uenu se u kamba kubiluka, ni mu kale uila mu anandenge, ku mua kà mona kididi mu Utuminu ua Diulu.

Matesu 5:18

Mbata ngi mi tangela o kidi, katé bhua ka jimukina o diulu ni ixi, kana ngó kujimuka kapondo mba kama kosokoso kòfele ku Kitumu, katé bhua ka tenena o ima ioso.

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.

Luka 13:3

Nga mi ambela, kana! Enu uenu se mu kamba-phe kudiela, enuʼ enu oso mua-nduʼ fua kiòmuene.

Luka 13:5

Nga mi ambela, Kana! Enu uenu se mu kamba-phe kudiela, enʼuenu oso mua-nduʼfua kiòmuene.

Nzuá 13:8

Phetele uixi: Kana, Ngana, nguami eie ni u ngi sukule inama. Jezú uixi: Se nga kambe ku ku sukula, eie ku kala dingi u dixibulu diami.

Nzuá 15:4

Xalenu mo muami, Eme ngi xale mo muenu. Kala thangu ki itena kuima ibundu kʼ ubheka uê, ia kambe ku di kuatenena ku muxi, kiene ue, enu ki mu tena kuima ibundu, se mua kambe kuxala mo muami.

Nzuá 3:3

Jezú ua mu tambuijila, uixi: Kidi, kidi, ngi ku ambela: Muthu se ua kambe ku mu vuala lua mukuá, ka tena kumona mu Mbanza ia Nzambi.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Nzuá 3:5

Jezú uixi: Kidi, kidi, ngi ku ambela: Se muthu ua kambe ku mu vuala ku menha ni ku Nzumbi, ka tena kubokona mu Mbanza ia Nzambi.

Nzuá 6:47

Kidi, kidi, ngi mi ambela: Uoso u ngi xikana eme, u kala ni muenhu ki úabhua.

Nzuá 6:51

Eme ngi mbolo ia muenhu ia tuluka mu diulu. Se bhu kala muthu u dia o mbolo iíi, muenhu uê ki ua kà bhua dingi. O mukutu uami, iene o mbolo i nga-nda kubhana, phala o mundu ni u kale ni muenhu.

Nzuá 6:55

Kuma o xitu iami kúdia kua kidi, o manhinga mami kùnua kua kidi.

Nzuá 6:62

Ki kala-phe kiebhi hádia, se mu tala Monʼ a Muthu iú banda kunhá, kua kexile mʼ okulu?

I Nzuá 5:12

Uoso uala ni Mona, uala ni muenhu; uoso ua kambe kukala ni Monʼa Nzambi, ni muenhu kala na-u.

Dijingunuinu 2:17

Uoso uala ni dítui, évue kioso o Nzumbi ia Nzambi kia jimbuila o Jingeleja! Uoso u tolola, ngi mu bhana o maná ia kasuèkele. Ngi mu bhana ue kaditadi kazela, ku kaditadi anga kukala dijina diobhe diosoneke, kana muthu u dʼijiia kikale muène ngó a mu bhana-diu.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.