Nzuá 6:51 - O Mikanda Ikola

⁵¹ Eme ngi mbolo ia muenhu ia tuluka mu diulu. Se bhu kala muthu u dia o mbolo iíi, muenhu uê ki ua kà bhua dingi. O mukutu uami, iene o mbolo i nga-nda kubhana, phala o mundu ni u kale ni muenhu.

Nzuá 6:51 ပူးပေါင်းရင်းမြစ်များ

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

Luka 22:19

Anga u katula o mbolo, u sakidila Nzambi, anga u i uana, u i bhana o maxibulu, uixi: Iú uene o mukutu uami, [uòbhane mukonda dienu. Bhangenu jinga kienhiki mu ku ngi banza eme.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 11:26

O uoso uala ku muenhu, hé u kala mu ku ngi xikana, ka kà fua dingi. Eie kienhiki, ua ki xikana?

Nzuá 3:13

Kana-ku dingi muthu ua bandele bhulu, kikale ngó ió ua tundu bhulu, muène Monʼ a Muthu, mukua diulu.

Nzuá 3:14

Mukuâ ni kia zangula Mozé o nhoka ia ngòndo mu ixi ia isekele, anga u i nhenga ku muxi, ni Monʼ a Muthu kiene ue kia bhingi o ku mu zangula,

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Nzuá 6:33

Mukonda o mbolo ia bhana Nzambi, iene ia tuluka mu diulu, i bhana mundu o muenhu.

Nzuá 6:35

Jezú ua ambela, uixi: Eme ngi mbolo ia muenhu. Uoso uiza ko-kuami, kà kala dingi ni nzala, o uoso u ngi xikana eme, kà kala dingi ni dinhota.

Nzuá 6:41

Jijudé bhenhobho ji kuata ku mu longolola, mukonda muène uambe, uixi: Eme ngi mbolo ia tuluka mu diulu.

Nzuá 6:47

Kidi, kidi, ngi mi ambela: Uoso u ngi xikana eme, u kala ni muenhu ki úabhua.

Nzuá 6:48

Eme ngi mbolo ia muenhu.

Nzuá 6:50

Mbolo iii-phe, ia tuluka mu diulu, se muthu u i dia, ka fuê dingi.

Nzuá 7:38

Uoso u ngi xikana eme, kala ki ambe o madivulu ma Kôla, Jingiji ja menha ma muenhu ja kà mu tunda mu thulu iê.

II Kolindo 5:19

O hundu ietu ienhiʼii: Kuma Nzambi mua Kristu ua mu luulula o mundu ni muène, iú ua mu bhangesa kuila athu oso a kala makamba mê, sè kukuata-nâ konda ia ikuma iâ. Etu-phe Muène iú ua tu bhana o maka mê ma kuluulula athu nʼa kale makamba mê.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Efezo 5:25

Enu ue mu mala, Zolenu ahatu enu kala Kristu kia zola o Ngeleja, iú ua di bhakula bhu kididi kiê.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 10:20

Muʼaxaxi ka kibatulu, kifua o mukutu uê; muène ua tu jikuila njila ia ubhe, ia muenhu.

I Phetele 2:4

Zenu-phe kua Ngana, o ditadi dia muenhu, diotende kidi ku athu, maji o kua Nzambi-phe diosole, dia ujitu.

I Nzuá 2:2

Mukonda Jezú Kristu, muène kiluuluilu kia ituxi ietu. O ietu-etu ngó ki iene, maji ue ni ia mundu uoso.

I Nzuá 4:10

Muenhumu mua kala o henda, mu kuila: Etu ki etu tua zola Nzambi, maji muène-ku ua tu zola, iú ua tumikisa Monʼê mu kukala kiluuluilu kia ku tu lolokesa o ituxi ietu.

I Nzuá 4:14

Etu tua ki mono, tua ki kundila ue akuetu kuila, Nzambi ua tumikisa Monʼê mu kukala Kibhamuenhu kia mundu.