Nzuá 6:40 - O Mikanda Ikola

⁴⁰ Mbata o vondadi ia Tata iami ienhiʼii: Kuila uoso ua tale ku Mona, iú ua mu xikana, a kale ni muenhu ki úabhua; eme-phe ngi mu fukununa mu kizuua kia kà suka-ku.

Nzuá 6:40 ပူးပေါင်းရင်းမြစ်များ

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 53:2

Kuma muene uaii ni ku kula bhu pholo ia Nzambi mukuâ ni luthangu lu fuafua, kala lundanji lua xoxouela mu mavu ma kukuta; o ku mu tala, ka kexi ni kidifua mba uuabhelu ua pholo; o ki tua mu idi sui, ki tua mu muene ni kuuabha kua kima, kuila tu mu inda.

Dialuilu 21:9

Mozé anga u iudika nhoka ia ngôndo, hé u i tudika ku muẋi; anga ki bhita muene; hé muthu a mu numata kuala nhoka, kia tala ku nhoka ia ngôndo, u bhuluka.

Matesu 10:15

Kidi kiene ngi mi ambela, inda oxi ia Sodoma ni ia Ngomola a kà i lendukila mu kizuua kia kufundisa, mbongeʼ oio, kana!

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Marku 16:16

Uoso u xikana, anga a mu batizala, u bhuluka; uoso-phe ka xikana, a ka mu elesa.

Luka 2:30

Kuma mesu mami ma mono kiá o ubhulukilu ué,

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 10:28

O mbudi jami ngi ji bhana o muenhu ki uábhua; ki ja kà fua dingi. Kana muthu ue u ji sumbununa bhu maku mami.

Nzuá 11:24

Marta uixi: Ngʼejiia kuma u fukunuka mu difkunukinu dia kizuua kia kà suka-ku.

Nzuá 11:25

Jezú ua mu ambela, uixi: Eme ngi difukunukinu ni muenhu. Uoso u ngi xikana eme, né uafu, u kala dingi ni muenhu.

Nzuá 12:45

Uoso ua ngi mono eme, ua mono ue uoso ua ngi tumu.

Nzuá 12:50

Ngejiia kuma kijila kiê muène, ki bhana muenhu ki uábhua. O ima-phe ioso i nga tange eme, nga i tange muene kala kia ngi tumu Tata o kuzuela.

Nzuá 14:17

O mundu ki u tena ku mu tambulula, mukonda ka mu mono, ka mu ijiia. Enu-phe mua mu ijiia, mukonda mu xala-nê, u kala moxi dienu.

Nzuá 14:19

Kua xala ngó kathangana, o mundu ki u ngi mono dingi; enu-phe mu ngi mona. Mukonda eme ngi kala ku muenhu, enu uenu mu kala ni muenhu.

Nzuá 17:2

Mbata o Mona ua mu bhana ungana ua kutumina athu oso, phala oso ua mu bhana-nâ, muène a a bhane o muenhu ki uábhua.

Nzuá 3:36

Kala kiki, uoso ua xikana o Mona, uala ni muenhu ki uábhua. Maji uoso ka xikana o Mona, ka kà mona muenhu, kikale o njinda ia Nzambi i xala ku thandu diê katé ku hádia ni hádia.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Nzuá 5:24

Kidi, kidi, ngi mi ambela: Uoso uívua dízui diami, nʼ a xikane ió ua ngi tumu, mùene uala ni muenhu ki uàbhua; ka tena dingi kuêla, maji ua tundu kiá ku ʼalunga, iu bokona ku muenhu.

Nzuá 6:27

Kana kukalakela o kúdia ku bola, kota o kukalakela kúdia ku nanga katé ku muenhu ki uábhua. Monʼ a Muthu u mi bhana na-ku, mukonda Nzambi Tata ua mu te kidimbu kiê.

Nzuá 6:39

O vondadi-phe ia ió uoso ua ngi tumu, i ngi bhanga, ienhíʼii: Kuila oso muène ua ngi bhana-nâ, ki bhu ngi jimbile umoxi ngó, kikale oso ngʼ a fukununa mu kizuua kia kà suka-ku.

Nzuá 6:44

Kana muthu u tena kuiza ko-kuami, se Tata ua ngi tumu u kamba ku mu sunga; eme-phe ngi mu fukununa mu kizuua kia kà suka-ku.

Nzuá 6:54

Uoso u dia xitu iami, hé u nua o manhinga mami, uala ni muenhu ki uàbhua; eme-phe ngi mu fukununa mu kizuua kia kà suka-ku.

Nzuá 8:56

Tatʼ enu Mbalahamu, ua tanene ni ngalasa mukonda dia kumona o kizuua kiami. Muène ua ki muene, iú ua sanguluka!

Loma 5:21

Uila kiki, kala kia kexile kutumina o ituxi mu kufuisa, kiene kimoxi ki tumina o kiadi kia Nzambi, ni ki tu bheka ku muenhu, mua Jezú Kristu, Ngana ietu.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Jihebeleu 11:1

O kuxikana-phe ku ijidisa ima i tua dielela, ku idikiza ima kiluua i moneka.

Jihebeleu 11:27

Kiejila mu kuxikana, Mozé kia tundu mu Ijitu, njinda ia sobha ka i lenge. Anga u kolokota ni ufiiele kala uala ku mona Nzambi, ió ka moneka ku mesu.

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

I Nzuá 2:25

Kuku kuene o kukana Kristu kua tu kanena etuʼoso, kua ku tu bhana o muenhu ki uàbhua.

Juda 1:21

Phala mu suine ni ku di bhaka mu henda ia Nzambi, ni kukinga o kulenduka kua Ngana ietu Jezú Kristu katé kia mi bhana o muenhu ki uábhua.