Nzuá 6:26 - O Mikanda Ikola

²⁶ Jezú ua a vutuila, uixi: Kidi, kidi, ngi mi ambela: Enu ki mua ngi sotoʼ iki, ki mu ngi sotela mukonda dia kumona idiuanu, maji mukonda dia kúdia jimbolo ni kuikuta.

Nzuá 6:26 ပူးပေါင်းရင်းမြစ်များ

Jisálamu 78:37

Kuma o muẋima kala na-u ua ku di tuma ni muene, o kikutu kiê kala na-kiu ni ufiiele.

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Nzuá 3:3

Jezú ua mu tambuijila, uixi: Kidi, kidi, ngi ku ambela: Muthu se ua kambe ku mu vuala lua mukuá, ka tena kumona mu Mbanza ia Nzambi.

Nzuá 3:5

Jezú uixi: Kidi, kidi, ngi ku ambela: Se muthu ua kambe ku mu vuala ku menha ni ku Nzumbi, ka tena kubokona mu Mbanza ia Nzambi.

Nzuá 6:14

Athu kia zubha kumona o kidiuanu kia bhange Jezú, exi: Kidi kiene! Iú muene polofeta a kexi ku mu kinga mu ngongo!

Nzuá 6:15

Jezú kia mono kuma andala kuiza ku mu ambata mu nguzu ni ku mu bhanga sobha, u tunda-bhu, anga uia ku mulundu kʼ ubheka uê.

Nzuá 6:2

Kifuẋi kiònene anga ki mu kaiela, mukonda a mono madiuanu mê mala mu bhanga ku jihaxi.

Nzuá 6:24

athu kia mono kuma ni Jezú ni jixibulu jê, ene oso kala-bhu, ene a di longa ue mu jibâlukuʼ iji, anga aia mu Kafanau mù sota Jezú.

Nzuá 6:30

Exi: Eie-phe u bhanga kisuma kiahi, phala tu ki mone, ni tu ku xikane? Eie ua-ndu kalakala-hi?

Nzuá 6:36

Nga mi ambela-phe kiá, kuma enu ki mua ngi xikana, sumbala enu mua ngi mono.

Nzuá 6:47

Kidi, kidi, ngi mi ambela: Uoso u ngi xikana eme, u kala ni muenhu ki úabhua.

Nzuá 6:53

Jezú anga u zuela dingi, uixi: Kidi, kidi, ngi mi ambela: Se mu kamba kúdia xitu ia Monʼ a Muthu, se mu kamba kùnua manhinga mê, ki mu tena kukala ni muenhu moxi dienu.

Nzuá 6:64

Maji o muʼaxaxe kenu-phe, sai-mu ni iá ka xikana. (Mukonda Jezú, ua kʼijiia tunde ku dimatekenu, oso a kambe kuxikana, ua kʼijiia ue uoso ua-nda ku mu sumbisa).

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Filipe 2:21

Mukonda akua ene oso a bhindamena ima iâ-ene, ka bhindamena ima ia Jezú Kristu.

Filipe 3:19

O dizubhilu diâ kutexika mu infernu; nzambi iâ o imbamba ioso inda o mukutu uâ. Thathe iâ, o imbamba i kuatesa jisonhi; a xinganeka ngó ima ia bhoxi.

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.