Nzuá 6:2 - O Mikanda Ikola

² Kifuẋi kiònene anga ki mu kaiela, mukonda a mono madiuanu mê mala mu bhanga ku jihaxi.

Nzuá 6:2 ပူးပေါင်းရင်းမြစ်များ

Matesu 12:15

Jezú-phe, kuma ua kʼijiia, u tunda bhenhobho. O mundu uavulu anga u mu kaiela, muène anga u a saka ene oso.

Matesu 13:2

Mundu uavulu, hé u mu bhongolokela, katé kia di longo mu bote, hé u xikama momo. O mundu uoso-phe uemana ku ndùndu.

Matesu 14:14

Jezú anga u tomboloka, u sanga kifuẋi kia dikota, anga u a kuatela henda, hé u saka o jihaxi jâ.

Matesu 8:1

Kiki muène kia zubha kukulumuka mu mulundu, ifuẋi iavulu i mu nhenganana.

Marku 1:45

Maji muéne-phe kia zubha kutunda-bhu, u kuata ku ki fumanesa, ni ku ki bhela jingolokela kuene kuoso; kia bhangesa kuila Jezú ka tenene kubokona dingi mu mbonge ioso-ioso, maji u kala mu tula ku kanga ku mikáu. Athu anga aia ni kutunda ku mbandu joso, a mu sanga koko.

Marku 6:33

Mundu uavulu-phe a a mono kuia, ndumba a ejiia kuila ene. Anga a lengela bhoxi kate bhenhobho, a tundu mu jimbonge joso, anga a dianga kubhiẋila.

Nzuá 11:47

Makota ma jinganga ni jifalizeu, anga a bhongolola o Kionge kia Jitata, exi: Tu bhanga kiebhi? Mukonda muthu iú uala mù bhanga madiuanu mavulu.

Nzuá 12:18

Kiene kia bhangesa o kifuẋi kuia mu ku mu kauidila, mukonda a kʼ ivu kuma ua bhange kidiuanuʼ iki kia dikota!

Nzuá 12:37

Sumbala-phe ua bhangele madiuanu mavulu kiki bhu pholo iâ, ene-phe ka mu xikana.

Nzuá 2:11

Jezú ua bhange kidiuanuʼiki, kia dianga, mu Kaná ka Ngalileia. Mu kubhanga kiki, ua tukulula o ungana uê, o jixibulu jê anga ji mu xikana.

Nzuá 2:23

Kienhókio Jezú kioso kia kala mu Jeluzaleme, mu fesa ia Phasu, athu avulu a xikana dijina diê, mu kumona o mediuanu-mê mala kubhanga.

Nzuá 20:30

Sai dingi madiuanu mavulu ma bhangele Jezú bhu pholo ia jixibulu, ki mòsoneke mu divulu mumu.

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 6:14

Athu kia zubha kumona o kidiuanu kia bhange Jezú, exi: Kidi kiene! Iú muene polofeta a kexi ku mu kinga mu ngongo!

Nzuá 6:22

O kifuẋi kia xala ku sámbua dia kizanga, kia mono bhala ngó báluku imoxi iòfele, maji Jezú-phe ka di longele-mu ni jixibulu jê, ene ngó o jixibulu a katuka ubheka uâ,

Nzuá 6:26

Jezú ua a vutuila, uixi: Kidi, kidi, ngi mi ambela: Enu ki mua ngi sotoʼ iki, ki mu ngi sotela mukonda dia kumona idiuanu, maji mukonda dia kúdia jimbolo ni kuikuta.

Nzuá 6:30

Exi: Eie-phe u bhanga kisuma kiahi, phala tu ki mone, ni tu ku xikane? Eie ua-ndu kalakala-hi?