Nzuá 5:6 - O Mikanda Ikola

⁶ Jezú kia mu mono uazeka, kia mu ijiia kuma ua kata kiá ukulu, ua mu ibhula, uixi: Eie uandala kuiluka?

Nzuá 5:6 ပူးပေါင်းရင်းမြစ်များ

Jisálamu 142:3

Kioso o muẋima uami moxi ki ua ngi kala ni kubhondalala, eie-phe uejiia kiá njila ioso i nga tokala kuila, kuma mu njila i nga kuata, a ngi tela-mu mubhetu.

Izaía 65:1

A ngi sota kuala athu ka kexe mu ngʼibhula; a ngi sange kua ió ka kexi mu ngi sota; ku athu mu dijina diami ka tokalele-mu, nga a tambuijila, ngixi: eme bhabhʼú!

Jelemiia 13:27

Isunji ié nga i mono, ni jiphanda jé, ni kuzuluma kué kala kabalu, ni undumbu ué ua vulu kinéne u ua bhangela ku milundu mu mukáu; Jeluzaleme, lamba dié! Abha ngué ku di zelesa? Ukala kienhokio ʼté bhebhi, tata?

Luka 18:41

Muène uixi: Ngana, ngandala dingi o kumona!

Nzuá 21:17

Anga u mu ambela lua katatu, uixi: Ximá, monʼ a Jona, eie ua ngi zola? Phetele anga u kenanana, mukonda tatu kiá ni ku mu ibhula: Eie ua ngi zola? Anga uitaia, uixi: Ngana, eie uejiia ima ioso, ua kʼijiia kuma eme nga ku zola! Kuala Jezú: Disa jimbudi jami.

Nzuá 5:5

Anga bhu kala muthu bhenhobho, uhaxi uê ua bhange na-u kiá makuinhi atatu a mivu ni nake.

Nzuá 5:7

Haxi ua mu vutuila, uixi: Ki ngala, ngana, ni muthu, u ngi ta mu dizanga, ki vunzuka o menha. Ki ngiia ngi sota kuia-mu, mukuetu ua ngi tuamenena kutuluka-mu.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.