Nzuá 5:4 - O Mikanda Ikola

⁴ Mukonda ku jithembu, anju ia kexi mù tuluka mu dizanga, mu kuvunza o menha. Uoso-phe u tuama ku di ta mu menha, ma vunzuka kiki, uiluka ku uhaxi uê uoso-uoso.]

Nzuá 5:4 ပူးပေါင်းရင်းမြစ်များ

II Jisobha 5:10

Bheneʼobho Ilizeu ua mu tumikisa phunga ku mu tangela, kuila: Ndé, ua kà di sukule lusambuadi mu Njolodá, nda o xitu ié ia kà ku vutuluke dingi, nda ua kà di sanze.

Jisálamu 119:60

Nga bhange lusolo, ngixi nguami kulaleka, ngi kale mu tumaka o itumu ié.

Jisabhu 6:4

mesuʼé kua ehele kuia ku kilu, o ibhebhetelu ié ku i ehele kunhoha.

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izekiiele 47:8

Bhenhobho-phe u ngʼambela, uixi: O menha iá a mu kungulukila ku mbandu ia thunda, hé a kulumuka mu musanza ua Kalunga ka di Fuila; o kia zubha o kubhiẋila momo, menha ma kalunga ma iuka kiá.

Hozeia 13:13

Hinu ku mu tulukila misusu kala mika ia muhatu uala ku isénda, o mu kuvuala-phe u vuala kilalu kia mona, kuma ka bhiẋila luua bhu kithangana kia ku mu vuala nʼa tunde ku kanga.

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Zakadiia 14:8

Mu kizuuʼomo-phe, kia kà bhita kuila mu Jeluzaleme mua kà fuáfua ngiji ia menha ma di sanze, ma kà kungulukila mbandu ku musanza ua kalunga ku mutundila kumbi, o mbandu ia mukuá i kungulukila ku musanza ua kalunga ku mutudila-kumbi; O kienhiki kiene ki kia kà kala, ni bhu mvula ni bhu kixibhu a kunguluka jinga.

Matesu 11:12

Tunde mu izuua ia Nzuá dia Batizu, o Utuminu ua Diulu a u balukila, akua nguzu a u bokona ni kusuina.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Luka 13:24

Bangamenenu o kubokuena bhu muelu ua phophama. Mukonda ngi mi ambela, sai-ku avulu a kà sota kubokona, maji a kà ki lémbua.

Luka 16:16

O Kitumu kia Mozé ni ulongelu ua jipolofeta, ua kexile kate kieza Nzuá dia Batizu. Tunde kiókio-phe o Njimbu Iambote ia Utuminu ua Nzambi ala ku i kola; kala muthu-phe kikale u ta nguzu phala kubokona-mu.

Nzuá 5:3

Mu itelembeʼ umu, u sanga bhoxi bhua zeka jihaxi javulu: Ni ifôfo, ni inema, ni jihaxi jamukuá, [ala mù kinga o menha ku di vunza.

Nzuá 5:5

Anga bhu kala muthu bhenhobho, uhaxi uê ua bhange na-u kiá makuinhi atatu a mivu ni nake.

Nzuá 5:7

Haxi ua mu vutuila, uixi: Ki ngala, ngana, ni muthu, u ngi ta mu dizanga, ki vunzuka o menha. Ki ngiia ngi sota kuia-mu, mukuetu ua ngi tuamenena kutuluka-mu.

I Kolindo 6:11

Enu amoxi-mu, kiene ki mua kexile. Maji a mi sukula ku ituxi, a mi lumbila kua Nzambi, o Muène iú ua mi xikina bhu pholo iê mukonda dia Jezú Kristu, Ngana ietu, ni mukonda dia Nzumbi ia Nzambi.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.