Nzuá 5:34 - O Mikanda Ikola

³⁴ Eme ki ngi bhindamena umbangi ua muthu; maji kiki nga ki zuelela phala enu mu bhuluke.

Nzuá 5:34 ပူးပေါင်းရင်းမြစ်များ

Luka 13:34

Uaué, Jeluzaleme! Jeluzaleme tata! Ua bhingi o jipolofeta u ji jibha, o akunji Nzambi a ku tumikisa, eie u a bûba ni matadi! Lukuxi luosʼulu, lu ngandalele kubhongoloka o kifuẋi kia mundu uê uoso, kala ki bhanga o sanji tuana tuê moxiʼa mabhabha, enu-phe ki mu xikina!

Luka 19:10

Mukonda Monʼ a Muthu ueza mu kusota ni kubhulula kioso kia jimbidila.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 5:32

Maji sai uengi u ngi bhela umbangi; ngejiia kuma umbangi ua ngi bhela ua kidi.

Nzuá 5:41

Eme ki nga mu sota fuma ku athu. Mukonda enu nga mʼijiia kiambote.

Nzuá 8:54

Jezú u vutula, uixi: Eme se nga di jingisa eme-muène, kijingu kiami kia ngoho. Tata iami muène ua mu ngi jingisa, ió enu mua mu tange enu kuma Nzambi ienu, maji ki mua mu ijiia.

Loma 10:1

Enu jiphange jami, kia solo o muẋima uami uoso, o kuila muiji uami eme-muene a bhuluke. Eme ngene mu ku a diondela jinga kua Nzambi.

Loma 10:21

Mu kutanga Izalaiele-phe, Izaia uixi: Kumbi dioso dia kambamba Nzambi ua sunununa o maku mê ku mundu uaxibhaka, uathathamana.

Loma 12:21

Kana kuehela phulu ku mi tolola, inda enu-ku mu tolola o phulu ni mbote.

Loma 3:3

O kieneʼokio? Né-mbé amoxi-mu a kambele kuxikana, o kukamba kitongola kua ene, kuene ku selukisa o kukumbidila kua Nzambi?

I Kolindo 9:22

Oso a bhuila mu kuxikana, ngi kala-nâ kala eme nga bhuila uami, phala ngi kombole oso a bhuila. Ngi kala ngi kioso kua ene oso, phala mu ndunge joso, ngi tene kubhulula-ku amoxi-mu.

I Timote 4:16

Di lange eie-muène, ni ulongelu ué. Kuata muanu mu ima ienhiʼii; kuma mu kubhanga kiki, ua-nda kuila ni eiemuène u bhuluka, ni ene ue a bhuluka oso a kuivua.

I Nzuá 5:9

Etu tuene mu xikana o umbangi ua athu, maji o umbangi ua Nzambi phe uala kota mu nguzu. O umbangi ua Nzambi uenhú, uene-phe ua bhela Monʼê.