Kioso Phetele kia kexile hanji mú zuela, talesa, dituta di luendela dia a vungina; o mu dituta anga mu tunda dízui, dixi: Muenhú Monʼami uózole, uene mu ngi sangulukisa. Ioso ia zuela, mu ivienunu muene!
O Nzumbi Ikôla anga u tuluka mu kikexilu kia mukutu, ua difangana diembe, anga u tula ku thandu diê. Ku diulu anga ku tunda dízui, dixi: Eiemuène u Monʼami nga ku zola, ua ngi uabhela kiambote.
Eme-mùene ue ki ngi mu ijidile, maji o Nzambi, uoso-phe ua ngi tumu kubatizala ni menha, muène ua ngʼ ambela, uixi: Uoso uà mu mona, Nzumbi i tuluka mu diulu, anga i mu tula ku thandu diê, muène u batizala ni Nzumbi Ikôla.