Nzuá 5:3 - O Mikanda Ikola

³ Mu itelembeʼ umu, u sanga bhoxi bhua zeka jihaxi javulu: Ni ifôfo, ni inema, ni jihaxi jamukuá, [ala mù kinga o menha ku di vunza.

Nzuá 5:3 ပူးပေါင်းရင်းမြစ်များ

I Jisobha 13:4

Anga ki bhita-phe, kuma, sobha kia zubha kuívua kia zuela muthu ua Nzambi, mu kuêlesa o kalatódio ka Betele, Jelobouamu u sunununa lukuaku luê ku thandu dia kalatódio, uixi: Mu kutienu. Maji o lukuaku luê-phe, lua sunuina kutuma ku mu kuta, lua kukuta, ni ku lu vutula dingi ku mukutu uê ka tena.

Jisabhu 8:34

Uoso muthu u ngi bhana mátui muene ua zediua, anga uia ni ku ngi xikamena bhu mielu iami kizuua ni kizuua; hé ukuata ku kingila bhu mielu bhuoso bhu ngi bokuena.

Kuditenda 3:26

Kima kiambote o ku kala ni kudielela, ni kuxibhidila sé jibuia o kubhuluka ku tunda kua Jihova.

Zakadiia 11:17

Lamba dié! mubidi ua kilalu, ua bhingi jimbudi u ji ehelela! xibhata ia kà ku tula ku lukuaku ni ku diesu dié dia kadilu! Lukuaku lué lua kadilu lua kà kukuta muene luene luoso, o diesu diê dia kèla muene babadi!

Matesu 15:30

Anga a mu sanga ifuẋi iavulu, kumoxi ni atenguna, ifôfo, ni mabubu, ni inema, ni amukuá dingi avulu, anga a mu tudila-nâ bhu inama iê. Muène-phe, ene oso anga u a saka.

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Luka 7:22

Anga u vutuila iá, uixi: Ndenu, kà tangedienu Nzuá, ima i mua mono, i muevu; ifôfo íi mona, inema íi ienda, akua-kikunzu ia a disanza, mixilu íi ívua, afuile ia a fukunuka, jingadiama ia évua o Njimbu Iambote.

Nzuá 5:2

Mu Jeluzaleme-phe, bhu mbandu ia Dibhitu dia Jimbudi, bhuala dizanga, a dʼixana mu dimi dia Hebeleu, exi: Betesda mba Betezata. Dizanga dienhidi a di tungila itelembe itanu ia kubokuena.

Nzuá 5:4

Mukonda ku jithembu, anju ia kexi mù tuluka mu dizanga, mu kuvunza o menha. Uoso-phe u tuama ku di ta mu menha, ma vunzuka kiki, uiluka ku uhaxi uê uoso-uoso.]

Loma 8:25

Maji ue se tua dielela kima kiluua tu ki mona, tu ki kinga ni kinhenge.

Tiiaku 5:7

Kala kiki, kuatenu-phe kinhenge, enu jiphange, katé bhua kèjiia Ngana. Talesenu kidimakaji kioso kia kinga ibundu iambote i tunda mu mavu. Muène u i kuatela kinhenge, katé ki i nokena mvula ia kudinji ni ia kasamanu.